«Keleshek» baǵdarlamasy: shotqa jyl saıyn memlekettik syıaqy túsedi

<p>ASTANA. KAZINFORM &ndash; &laquo;Keleshek&raquo; baǵdarlamasy arqyly ashylǵan shottarǵa alǵashqy kapıtaldy memleket quıady. Sondaı-aq jyl saıyn memlekettik syıaqy túsip turady. Bul týraly Ǵylym jáne joǵary bilim mınıstri Saıasat Nurbek málim etti.&nbsp;</p>

«Keleshek» baǵdarlamasy týraly zań qazir Parlamenttiń qaraýynda. Jyldyń birinshi jartysynda qabyldanady dep josparlap otyrmyz. Qysqasha aıtyp ótsem, ata-analar ár balasyna jeke shot ashady (erikti túrde). Biz shotqa alǵashqy kapıtaldy quıamyz (1 AEK - 3450 teńge). Sonymen qatar qarajatty tezdetip jınaý jáne onyń kólemin arttyrý úshin jyl saıynǵy kepildendirilgen memlekettik syıaqy, ekinshi deńgeıli bankter men ómirdi saqtandyrý kompanııalardyń barlyq múmkindigi qarastyrylady», - dedi Saıasat Nurbek Úkimet otyrysynan keıin ótken baspasóz máslıhatynda.

Mınıstrdiń esepteýinshe, ata-ana shotqa 3 450 teńgeden (1 AEK) turaqty aqsha salyp tursa, balasy 16- 17- kelgende 3,5 – 4 mln teńge jınalady. Qosymsha memlekettiń kómegi bar.

«Jınaqtaý somasy ata-ananyń erkinde, qansha soma quıatynyn ózi biledi. Eger bala aqyly oqýǵa tússe jınalǵan qarjy bilimine tólenedi, al grantqa tússe, shottaǵy aqshany turǵyn úı alýǵa jumsaı alady. Al kópbalaly otbasy bolsa shottaǵy qarajatty ini-qaryndasyna bere alady», - deıdi vedomstvo basshysy.

Buǵan deıin S. Nurbek «Keleshek» baǵdarlamasyna elimizdegi barlyq banktiń qatysa alatynyn aıtqan edi. 

Eske sala ketsek, ótken jyly Memleket basshysy Qasym-Jomart Toqaev halyqqa joldaýynda 5 jastan asqan balalarǵa arnalǵan «Keleshek» atty biryńǵaı erikti jınaqtaý júıesin engizýdi tapsyrǵan edi.