«Keleshek» baǵdarlamasy qandaı múmkindik beredi

<p>ASTANA. KAZINFORM &ndash; QR Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti &laquo;Keleshek&raquo; baǵdarlamasyna qatysty túsinik berdi.</p>

«Memleket basshysynyń tapsyrmasy boıynsha «Keleshek» biryńǵaı erikti jınaqtaý júıesin engizý jónindegi zań jobasy ázirlendi. Qujat jobasy qazirgi kezde qaraý úshin Qazaqstan Respýblıkasynyń Parlamentine engizildi.

«Keleshek» júıesi memleketten bastapqy bilim berý kapıtalyn, memlekettik syılyqaqyny jyl saıyn tóleýdi, ınvestıtsııalyq tabysty kózdeıdi. Bul jınaqtar «Ulttyq qor – balalarǵa» jobasy aıasynda qalyptastyrylǵan qarajatpen birge balalarǵa sapaly bilim alýǵa múmkindik beredi», - delingen vedomstvonyń Kazinform agenttigine bergen jaýabynda.

Atap aıtqanda, «Keleshek» júıesi úsh negizgi mindeti eskerip otyr. Bul turǵyda bilim alý múmkindigin keńeıtý, memlekettik qoldaýdyń barlyq is-sharalaryn biryńǵaı júıege shoǵyrlandyrý, sondaı-aq árbir ata-ana balasynyń kishkentaı kezinen oqý traektorııasyn qura alatyn júıeni qurý tártibi qamtylmaq.

Byltyrǵy Joldaýynda Memleket basshysy Qasym-Jomart Toqaev 5 jastan asqan balalarǵa arnalǵan «Keleshek» atty biryńǵaı erikti jınaqtaý júıesin engizýdi tapsyrdy. 

«Bul baǵdarlamada memleket tarapynan usynylatyn bastapqy bilim berý kapıtaly, jyl saıynǵy memlekettik syıaqy jáne ınvestıtsııalyq tabys qarastyrylýǵa tıis. Osy jınaq pen «Ulttyq qor – balalarǵa» jobasynyń qarajaty qosylǵanda jas urpaqtyń sapaly bilim alýyna múmkindik týady», - dedi Prezıdent.