Keleshegimizdi Qazaqstanmen baılanystyramyz - ıÝrıı Kım

QYZYLORDA. QazAqparat - Qyzylorda oblystyq koreı etnomádenı birlestigi tóraǵasynyń orynbasary ıÝrıı Kım kezinde taǵdyrdyń jazýymen qazaq topyraǵyna qadam basqan koreı halqynyń urpaǵy. Uzaq jyldar boıy Syr óńiriniń sport salasynda jemisti eńbek etken azamat búginde de qoǵamdyq is-sharalardan shet qalǵan emes. Qashanda ultaralyq tatýlyq, birlik, dostyqty dáriptep keledi, dep habarlaıdy QazAqparat tilshisi.

«Men 1942 jyly Qyzylorda oblysynda dúnıege keldim. Búkil ómirim Syr óńirinde ótti. Men osy jyldar ishinde mektepte fızıka pániniń muǵalimi, jasóspirimder sport mektebi dırektorynyń orynbasary, odan soń osy sport mektebiniń dırektory, sodan keıin oblystyq dene shynyqtyrý jáne sport basqarmasynyń bastyǵy qyzmetterin atqardym. Qazaq halqy bizdiń eńbegimizdi árqashan joǵary baǵalaı bildi. Elimizde men sııaqty ózge etnos ókilderi kóp. Olardyń birqatary memlekettik qyzmette júrse, endi birshamasy ǵylym men mádenıette, basqasy óndiris pen bıznestiń ártúrli salalarynda ózderin tanytyp keledi. Qazirgi tańda zeınet jasynda bolsam da, aımaqtyń qoǵamdyq ómirine belsene aralasyp, Qazaqstan halqy assambleıasynyń mádenı is-sharalarynda óz úlesimdi qosyp kelemin», - deıdi ıÝrıı Kım.

Onyń aıtýynsha, Alǵys aıtý kúni elimizdegi erekshe merekeniń biri. Mereke qashanda aýyzbirlik, tatýlyq, dostyqty dáripteýge negiz qalap otyr.

«Alǵys aıtý kúni men Assambleıanyń mereıtoıy qazir elimizdegi barlyq ult ókilderi úshin erekshe mereke dep aıta alamyz. Aıtýly kún qarsańynda qazaq halqyna alǵys aıtqym keledi. Kezinde taǵdyrdyń jazýymen qazaq topyraǵyna kelgen ózge ult ókilderine keńpeıil nıetin tanytty. Eńse tikteýine kómek kórsetip, qoldaý bildirdi. Sol úshin koreı halqy jáne óz atymnan myń alǵys aıtqym keledi. Biz, taǵdyr jazýymen Qazaqstanǵa kelgen etnostardyń urpaǵy qazaq halqyna sheksiz rızamyz. Bizdiń ata-anamyz qushaq jaıa qarsy alǵan, dostyq qarym-qatynas ornatqan, tatý-tátti ómir súrgen jergilikti ult ókilderine rızashylyǵyn bildirip otyratyn. Ony árqashan qýanyshpen eske alatyn. Olardyń qazaq jerine kelýi asharshylyq kezeńimen tuspa-tus keldi. Sol bir qıyn sátte sońǵy nanyn bólisip jegen qazaq qanshama qıyndyqtan aman ótti. Qazaq halqy 1937 jyly káris ultyna da qoldan kelgendi aıanbaı, kómek kórsetti. Ákemniń aıtýynsha, bizdiń jaǵdaıymyzdy kórgen qazaqtar kómek retinde buzaý men qoı bergen eken», -dep eske alady ıÝrıı Kım.

Ol búginde beıbit elde, bir shańyraq astynda tatý-tátti ómir súrip jatyrqanyn atap ótti.

«Búginde biz beıbit elde, bir shańyraq astynda tatý-tátti ómir súrip jatyrmyz. Qazaq jerinde meniń balalarym, nemerelerim dúnıege keldi. Men óz ómirimdi tek Qazaqstanmen, súıikti Qyzylordammen baılanystyramyn. Men barshańyzdy elimizde qalyptasqan birlikti, tatýlyq pen kelisimdi saqtaýǵa jáne nyǵaıtýǵa shaqyramyn. Barshamyzǵa ashyq jáne beıbit aspan tileımin», - dedi ol.