Kelesi jyldary bilim granttarynyń sany artady — mınıstrlik

<p>ASTANA. KAZINFORM — Ǵylym jáne joǵary bilim mınıstrligi úsh jyldyq bıýdjette memlekettik bilim berý granttarynyń sanyn kóbeıtý múmkindigine qatysty túsinik berdi.</p>

— Qazaqstan Respýblıkasynda joǵary bilimdi jáne ǵylymdy damytýdyń 2023 — 2029 jyldarǵa arnalǵan tujyrymdamasyna sáıkes, suranysy bar daıarlaý baǵyttary, onyń ishinde tehnıkalyq baǵyttar boıynsha joǵary bilim alý úshin memlekettik bilim berý granttary sanyn ulǵaıtý (2029 jylǵa qaraı keminde 75 myń) eskerilgen, — delingen Ǵylym mınıstrliginiń Kazinform agenttigine bergen jaýabynda.

Vedomstvo aqparatyna qaraǵanda, 2024-2025 oqý jylynda bilim berý granttarynyń sany aldyńǵy jylmen salystyrǵanda 5000 bilim berý grantyna kóbeıgen.

 — Bul rette, bilim berý granttarynyń sanyn kóbeıtý boıynsha tıisti jumystardy mınıstrlik úzdiksiz jalǵastyrady, — dep atalyp ótken mınıstrlik málimetinde.

Aıta keteıik, grant taǵaıyndaý konkýrsyna 104 myńnan astam talapker qujat tapsyrdy. Bul — ótken jylmen salystyrǵanda 10 myńǵa artyq. 

Jalpy, konkýrs nátıjesinde 79 myńǵa jýyq bilim granty úlestirildi. Memlekettik granttar respýblıkalyq komıssııa otyrysynyń qorytyndysy boıynsha taǵaıyndaldy. Bir grant ornyna eń úlken konkýrs «Stomatologııa» mamandyǵynda boldy.