Kelesi jyly Astana kóshelerine taǵy 10 myń «Sergek» kamerasy ilinedi - ákim

<p>Astana ákimi Jeńis Qasymbek Jibek Joly telearnasyna bergen <a href="https://www.youtube.com/watch?v=o0U-SU0U8gU" target="_blank" rel="noopener">suhbatynda</a> elordalyqtardyń júrip-turý mádenıetin arttyrý úshin beınebaqylaý kameralarynyń sanyn kóbeıtetinin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

«Vandalızm, jastar tárbıesi, qalany kútip ustaý máselelerin óz jumysymyzdyń negizgi baǵytynyń biri etip aldyq. Ol boıynsha jumys istep jatyrmyz. Kelesi jyly „Sergek“ kameralarynyń sanyn taǵy 10 myńǵa kóbeıtýdi josparlap otyrmyz. Ol da úlken kómek kórsetedi. Mektep te, polıtsııa da, arnaıy ınfraqurylym da osy baǵytqa basymdyq beredi. Jalpy halyqpen sóılesý kerek. Bizdiń azamattar onyń bárin túsinedi», — dedi Jeńis Qasymbek.

Astana ákimi LRT jobasynyń josparlaǵan merzimde aıaqtalýy Úkimettiń bóletin qarajatyna baılanysty ekenin aıtty.

«Aldaǵy eki jyldyń ishinde qurylys tolyǵymen aıaqtalady dep josparlap otyrmyz. Onyń bári qarajatqa baılanysty. Úkimet qarajat jaǵynan kómegin berip jatyr. Qala bul máseleni jalǵyz ózi kótere almaıdy. Sondyqtan qarajat jospar boıynsha berilse, qurylys 2 jyldyń ishinde aıaqtalady», — dedi elorda basshysy. 

Onyń aıtýynsha, avtobýs tapshylyǵyn azaıtý úshin jyl saıyn 150 avtobýs satyp alyp, eskilerin aınalymnan shyǵarý josparlanǵan.