Kelesi jyly Almatyda 300 shaqyrym jol jóndeledi

<p>ALMATY. KAZINFORM &ndash; Kelesi jyly Almatyda 35 shaqyrym jańa jol salynady. Bul týraly ortalyq kommýnıkatsııalar qyzmetiniń kóshpeli baspasóz máslıhatynda qala ákimi Erbolat Dosaev aıtty.</p>

– Almaty qalasyn damytý baǵdarlamasynyń basym baǵyty sheńberinde qalanyń turaqty kólik ıfraqurylymy qalyptasyp jatyr. Bıyl 25 km jańa jol salyndy, Qulja tas joly 6 jolaqqa deıin keńeıtildi, 255 kóshede 250 km jolǵa ortasha jóndeý júrgizildi. Sondaı–aq, 2024 jyly Saın – Móńke bı kóshelerindegi jol aıyryǵy boıynsha kólik qozǵalysy ashyldy, – dedi qala ákimi.

Foto: Almaty ákimdigi

Onyń aıtýynsha, kelesi jyly 35 shaqyrym jańa jol salynyp, 300 shaqyrym jolǵa ortasha jóndeý jumystary júrgiziledi.

– Sondaı–aq, kólik baılanysyn Seıfýllın-Jansúgirov jol aıyryǵyn, eki radıaldy (Saın, Rysqulov) jáne eki magıstraldy kósheni (Qajymuqan, Tóle bı) uzartý qamtamasyz etiledi. Bul jumystar sapaly joldardyń úlesin 2024 jylǵy 92% - dan 2025 jyly 95% - ǵa deıin ulǵaıtýǵa múmkindik beredi,– dedi Erbolat Dosaev.

Foto: Almaty ákimdigi

Osyǵan deıin Almatyda 2025 jyly Abaı jáne Saın kóshelerin uzartý jumystary tolyq aıaqtalatyny týraly jazǵan edik.

Eske salaıyq, buǵan deıin Almatyda jańa úlgidegi kólik turaqtary paıda bolatynyn jazǵanbyz.