Kelesi jyly Almaty kósheleri 100 paıyz jaryqpen qamtylady

<p>ALMATY. KAZINFORM &ndash; Almatydaǵy syrtqy jaryqtandyrý úlesi 2024 jyly 85 paıyzǵa jetip, 2025 jyly 100 paıyz jaryqpen qamtylady. Bul týraly Erbolat Dosaev Bostandyq aýdany turǵyndarymen kezdesý barysynda aıtty.</p>

«Ár aýdan boıynsha jaryqtandyrylmaǵan kóshe kezdesedi. Bizde sol kóshelerdi jaryqtandyrýǵa arnalǵan baǵdarlama bar. Bostandyq aýdanynda mundaı 54 kóshe bar. Bul másele «Halyq qatysatyn bıýdjet» baǵdarlamasy nemese tikeleı qarjylandyrý arqyly sheshiledi. Sonymen qatar «Almaty qala jaryq» qyzmetiniń tıimdiligin arttyrý boıynsha sharalar qabyldandy. Turǵyndardyń ótinishi eskerildi. Kósheler men aýlalardy jaryqtandyrýǵa bólingen qarajat aýdandarǵa bólindi. 2025 jyly megapolıs kósheleri 100 paıyz jaryqpen qamtylady», - dedi qala ákimi.

Erbolat Dosaevtyń aıtýynsha, syrtqy jaryqtandyrý máselesimen qosa, saıabaqtardy jaryqtandyrý, ǵımarattar men qurylystardy sáýlettik jaryqtandyrý jaıy da sheshilip keledi. 

Bostandyq aýdanynda bıyl jyl basynan beri 1 846 sham aýystyrylǵan. Bıyl kúzde taǵy 267 tirek pen sham aýystyryldy. Osy kúzde shamdary bar taǵy 267 tirek ornatylady. Sonymen qatar 2024 jyldyń sońyna deıin 9 eskertkishke túngi jaryqtandyrý ornatý josparlanǵan.

Osyǵan deıin shahar basshysy Almatyda «Damubala» baǵdarlamasyna FaceID júıesi engizilgeni týraly aıtqan bolatyn.