Kelesi jyly 1,5 mln adamnyń aılyǵyn ósirý úshin bıýdjetten 2,5 trln teńge jumsalady

<p>Senatta 2024-2026 jyldarǵa arnalǵan respýblıkalyq bıýdjet týraly, Ulttyq qordan alynatyn 2024-2026 jyldarǵa arnalǵan kepildendirilgen transfert týraly zań jobasy tanystyrylyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Bıýdjettiń 2024 jyldarǵa arnalǵan shyǵystary 2023 jylmen salystyrǵanda 1,5 trln teńgege ulǵaıyp, shamamen 24 trln teńge bolady. Bıýdjet shyǵystarynyń negizgi úlesi áleýmettik salaǵa tıesili. ıAǵnı, 40 paıyzdan astamyn áleýmettik shyǵystar alyp tur», - dedi Qarjy vıtse-mınıstri Abzad Beısenbekuly.

Onyń aıtýynsha, áleýmettik shyǵystyń aıtarlyqtaı bóligi zeınetaqyny ındeksteýge ketýi múmkin. Indekstelgen zeınetaqy tómen járdemaqyny tóleýge 5,4 trln teńge, otbasylardy qoldaý úshin bala kútimi kezeńi 1,5 jasqa deıin uzartyldy. Osy maqsatqa kelesi jyly 93,3 mlrd teńge bólý kózdelgen.

Memleket basshysynyń tapsyrmasy boıynsha áıelderdiń zeınetke shyǵý jasy 61 jas deńgeıinde saqtaldy. Bul 150 myńnan astam adamdy qamtıdy. ıAǵnı, 2024 jyly 473 mln teńgeni qajet etedi. «Halyqtyń tabysyn arttyrý» baǵdarlamasyn iske asyrý úshin 2024 jyly 3,7 trln teńge kózdelgen. Onyń ishinde 1,5 mıllıonnan astam jumyskerdiń jalaqysyn kóterýge bıýdjetten 2,5 trln teńge, óńirlik jumyspen qamtý kartalary aıasynda 100 myń jumys ornyn ashý úshin 724 mlrd teńge, «Aýyl amanaty» jobasy aıasynda 100 mlrd teńge bólip, 18 myńǵa jýyq jumys ornyn ashý josparlanǵan. Memlekettik jáne áleýmettik qoldaý kórsetý baǵytynda júıeli sharalar iske asyrý úshin 378 mlrd teńge kózdelgen. Bul qarajat 11 myń jumys ornyn ashýǵa baǵyttalady.

Aıta ketý kerek, 2024 - 2026 jyldarǵa arnalǵan respýblıkalyq bıýdjet jobasy áleýmettik-ekonomıkalyq damý boljamynyń bazalyq stsenarııi negizinde ázirlengen.

Atalǵan boljam boıynsha, eldiń jalpy ishki ónimi 2024 jyly 5,3% deńgeıinde, al 2026-2028 jyldary 6%-ǵa deıin ósý kerek. ıAǵnı, aldaǵy úsh jylda jalpy ishki ónimniń ortasha jyldyq ósý qarqyny 5,8% bolmaq. Muny aqshaǵa shaqqanda, jalpy ishki ónimniń nomınaldy kólemi 2024 jyly 135 trln teńgeden 2028 jyly 218,5 trln teńgege deıin ósýi qajet. Bazalyq stsenarııde munaıdyń baǵasy barreline 80 dollar deńgeıinde aıqyndalǵan. Jyldyq ınflıatsııanyń dálizi 2024 jyly 6-8% bolsa, 2025 jyly – 5,5-7,5 %, 2026 – 2028 jyldary 5 %-ǵa deıin tómendeıdi.

Respýblıkalyq bıýdjettiń shyǵysy 2024 jyly 23,9 trln teńge, 2025 jyly – 23,8 trln teńge bolsa, 2026 jyly 25,1 trln teńgeden asady dep boljanǵan.

Al respýblıkalyq bıýdjettiń tapshylyǵy 2024 jyly – 3,5 trln teńge, 2025 jyly – 3,6 trln teńge, 2026 jyly 3,9 trln teńge bolýy múmkin. Onyń 2 trln teńgesin Ulttyq qordan jabý usynylyp otyr.