Kelesi jyldan bastap mektepterde stomatologııa kabınetteri ashylady
Baspasóz qyzmetiniń málimetterine qaraǵanda, QR Oqý-aǵartý mınıstriniń shaqyrýymen QR Densaýlyq saqtaý mınıstri Aqmaral Álnazarova elordalyq bilim berý uıymdarynyń dırektorlarymen kezdesti. Maqsat - eki jaqty yntymaqtastyq máselelerin talqylaý jáne balalar men jasóspirimderdiń densaýlyǵyn jaqsartýǵa baǵyttalǵan birlesken jobalardy iske asyrý, bilim berý uıymdarynda medıtsınalyq qyzmetti uıymdastyrý, ınklıýzıvti kabınetter, sondaı-aq pedagogterdiń densaýlyǵyn saqtaý, psıhologtardyń biliktiligin arttyrý máseleleri.
Ǵanı Beısembaevtyń aıtýynsha, Memleket basshysynyń tapsyrmasymen ótken jyldan bastap birinshi ret 1,7 mln oqýshylar úshin mektepterde tegin tamaqtandyrý uıymdastyryldy. Buǵan deıin mınıstrlik bilim berý uıymdaryndaǵy balalardyń tamaqtaný standarttaryn qaıta qaraý boıynsha jumys júrgizgen bolatyn. As mázirin óńirlerde óndirilgen otandyq ónimderdi paıdalana otyryp ázirleý týraly norma engizildi. Sonymen qatar, óńirlerde brakerajdyq komıssııalar quryldy, olardyń quramyna ata-analar, qoǵam belsendileri, sondaı-aq mektep ákimshiligi men medıtsına qyzmetkerleri ene alady. Brakerajdyq komıssııalardyń monıtorıngtik toptarynyń qyzmet tártibi týraly zańnamalyq normalar belgilendi.
«Balalarymyzdyń qaýipsizdigin qamtamasyz etý – bilim berý protsesiniń árbir qatysýshysynyń aldynda turǵan birinshi kezektegi mańyzdy mindet. Biz saýyqtyrý-pedagogıkalyq baǵytqa basa nazar aýdara otyryp, «salaýatty ómir saltyn» ustanýymyz kerek jáne sapaly tamaqtanýdy uıymdastyrý kerek. Árbir múddeli taraptyń, ásirese, kásipkerlerdiń óz jaýapkershiligin sezinýi mańyzdy. Tamaqtaný mádenıetin qalyptastyrýǵa, sanıtarlyq, gıgıenalyq talaptardyń saqtalýyna, durys tamaqtanýdy nasıhattaýǵa kóńil bólinýi kerek. Densaýlyq saqtaý mınıstrligimen birlesken jumys bul maqsattardy júzege asyrýda negizgi rólge ıe», - dep atap ótti Oqý-aǵartý mınıstri.
Sonymen qatar mınıstr sanıtarlyq-epıdemıologııalyq sharalar men keıbir normatıvti-quqyqtyq aktilerdi qaıta qaraý máselesine toqtaldy. Densaýlyq saqtaý mınıstrliginiń qoldaýymen balalardyń densaýlyǵyn nyǵaıtý boıynsha birlesken joba aıasynda kelesi jyldan bastap iri mektepterde stomatologııa kabınetteri ashylady.
Sondaı-aq №95 mektep-lıtseıi men №84 «Káýsar» bóbekjaı-balabaqshasynda jáne Astana qalalyq mamandandyrylǵan balalar úıinde boldy. Kezdesý sońynda elordalyq mektep pedagogteri Densaýlyq saqtaý mınıstri Aqmaral Álnazarovaǵa balalardyń ál-aýqaty máselesine qamqorlyǵy úshin alǵystaryn bildirdi.
Esterińizge sala keteıik, sapaly tamaqtanýdy uıymdastyrý úshin mektep ashanalaryna sanıtarlyq-epıdemıologııalyq talaptardyń saqtalýyna monıtorıng júrgizilýde. Ol mekteptegi tamaqtaný qaýipsizdigin qamtamasyz etý jáne buryn oryn alǵan keleńsiz jaǵdaılarǵa jol bermeý sharalaryn kúsheıtýge baǵyttalǵan. Elimiz boıynsha oblystyq basqarmalar men aýdandyq bilim bólimderiniń janynan barlyǵy 222 vedomstvoaralyq saraptamalyq top quryldy.