Kelesi jyldan bastap dári-dármek pen zergerlik áshekeıler tańbalana bastaıdy

<p>QR Premer-Mınıstri Álıhan Smaıylovtyń tóraǵalyǵymen ótken keńeste dárilik zattar men zergerlik buıymdardy tańbalaýdy engizý máseleleri talqylandy, dep habarlaıdy <a href="https://primeminister.kz/news/ukimette-darilik-zattar-men-zergerlik-buyymdardy-tanbalaudy-engizu-talkylandy-26885" target="_blank" rel="noopener">primeminister.kz</a>.&nbsp;</p>

Keńeske, sondaı-aq «Atameken» UKP ókilderi de qatysty.

Búgingi tańda respýblıkada temeki ónimderi men aıaq kıim tańbalaýǵa jatady.

Bul shara taýarlardy baqylap otyrýǵa, zańsyz ónimdi anyqtaýǵa, kóleńkeli aınalymdy azaıtýǵa jáne bıýdjetke túsetin salyqty arttyrýǵa múmkindik berdi.

Jalpy tańbalaý adal kásipkerler men tutynýshylardy qorǵaýǵa baǵyttalǵan.

Dárilik zattardy tańbalaý 2024 jylǵy 1 shildege josparlanyp otyr.

Sondaı-aq zergerlik buıymdardy tańbalaýdy 2024 jylǵy 1 shildeden bastap engizý josparlanyp otyr.

Talqylaý qorytyndysy boıynsha Premer-Mınıstr belgilengen tártippen tańbalanbaǵan taýarlardy satqany úshin ákimshilik jaýapkershilik engizýdi, sondaı-aq pılottyq rejımde tańbalaýdy júrgizý úshin taýarlardy irikteý tetigin jetildirý jóninde sharalar qabyldaýdy tapsyrdy.

Jalpy osy baǵyttaǵy jumys jalǵasatyn bolady.

Atap aıtqanda, 2024 jyly motor maılary, syra jáne syra sýsyndary boıynsha pılottyq jobalardy júrgizý josparlanǵan.