Kelesi jyldan bastap Astananyń mektepke deıingi uıymdary vaýcherlik qarjylandyrýǵa kóshedi

<p>ASTANA.KAZINFORM &mdash; Astananyń mektepke deıingi uıymdary 2025 jyldyń qańtarynan bastap vaýcherlik qarjylandyrýǵa kóshedi. Bul týraly Astana qalasy bilim basqarmasynyń basshysy Qasymhan Senǵazyev elordalyq kommýnıkatsııalar qyzmetinde ótken brıfıngte málim etti, dep habarlaıdy qala ákimdiginiń resmı saıty.</p>

Qazirgi ýaqytta vaýcherlik qarjylandyrý jobasy Taraz, Shymkent jáne Túrkistan qalalarynda bar.

Elordanyń bilim basqarmasynyń basshysy vaýcherlik qarjylandyrý júıesiniń negizgi artyqshylyqtaryn atap ótti:

1. Ata-analar úshin tańdaý erkindigi. Vaýcher alǵan ata-ana tizimnen kez-kelgen mektepke deıingi mekemeni tańdaı alady, bul balabaqshalarǵa kórsetiletin qyzmetterdiń sapasyn jaqsartýǵa jáne jańa klıentterdi tartýǵa, saqtaýǵa yntalandyrady. Bul «ádilettilik» qaǵıdatyna qol jetkizýge yqpal etedi.

2. Sapany obektıvti baǵalaý. Balabaqshalardyń jumysyn baǵalaýdyń qaıta qaralǵan tásili ata-analarǵa bilim berý qyzmetteriniń sapasyn tikeleı baǵalaýǵa múmkindik beredi, bul sýbektıvtilikti joıady jáne qyzmet kórsetýdiń jalpy deńgeıin arttyrady. Joba sonymen qatar naryqtyń jańa qatysýshylaryna múmkindikter ashady, salaýatty básekelestik týǵyzady jáne «sapa» qaǵıdatyna sáıkes qyzmet sapasyn jaqsartady.

3. Qarjylandyrýdyń ashyqtyǵy. Jergilikti atqarýshy organdardyń árbir balabaqsha úshin memlekettik tapsyrys kólemin bekitý jónindegi fýnktsıonaly joıylady jáne qarajat tikeleı balaǵa beriletin bolady. Eger bala basqa balabaqshany tańdap, oǵan aýyssa, vaýcher «ashyqtyq» prıntsıpin qamtamasyz etetin onyń sońynan eredi.

Sonymen qatar, Qasymhan Senǵazyev vaýcherlik qarjylandyrýdyń negizgi qaǵıdattary týraly aıtty.

— Eger buryn bala balabaqshadaǵy orynǵa kezekte tursa, endi ol vaýcherge kezekke turady. Endi balabaqshany tańdaý ata-ananyń qolynda. Buǵan deıin memlekettik bilim berý tapsyrysy balabaqshaǵa berilgen bolatyn, al qazir vaýcher balanyń sońynan eredi, — dep túsindirdi ol.

Aıta keteıik, Astanada vaýcherlik qarjylandyrýdy iske asyrý 2025 jyldyń qańtarynda bastalady.

Vaýcherlik qarjylandyrý júıesinde kezek balanyń jasyna jáne onyń áleýmettik mártebesine baılanysty 18 sanatqa bólinedi. Ár sanattyń óz kezegi bolady. Vaýcher ıteratsııa (qaıtalaý) arqyly beriledi, al kezek jylyna eki ret avtomatty túrde jańartylady.

Eske sala keteıik, buǵan deıin az qamtylǵan otbasylarǵa oqý quraldaryn alýǵa qarjylaı qoldaý kórsetiletinin jazǵan bolatynbyz.