Keles ózenimen júzip, el aýmaǵyna zańsyz ótpek bolǵan er adam ustaldy
16:27, 21 Qarasha 2018
SARYAǴASh. QazAqparat - Túrkistan oblysynyń Saryaǵash aýdanynda ózen sýyn keship ótip, Qazaqstan shekarasynan zańsyz ótpek bolǵan er adam ustaldy, dep habarlaıdy QazAqparat.
QR Shekara qyzmeti baspasóz qyzmetiniń habarlaýynsha, saryaǵashtyq shekarashylar ótken túnde, saǵat 23.00 shamasynda Keles ózenimen maltyp, Qazaqstan shekarasynan ótýge árekettengen er adam qolǵa túsken. Jasy 30-dar shamasynda. Eshqandaı qujaty joq. Ol ózin 1990 jyly týǵan Qazaqstan azamatymyn dep tanystyrǵan.
Qazirgi ýaqytta quqyq qorǵaý oryndary qulaqtandyrylyp, tekserý júrip jatyr.