Kelesi Olımpıadada altyn alyp beremin – Nurbek Oralbaı

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda Nurbek Oralbaı fınalda ýkraınalyq qarsylasynan utylyp, kúmis júldeni qanaǵat tutty.</p>

Jarystan keıin boksshy chempıondyq ataqqa baryn salǵanyn, alaıda qol jetkize almaǵanyna ishteı ókinetinin aıtyp berdi. 

Foto: UOK

«Jekpe-jekti kórdińizder. Barymdy salyp judyryqtastym. Chempıon bolyp, altyn alamyn dep oılaǵam, ókinishke qaraı, altyn ustatpady. Osyǵan da, qanaǵat etemiz. Parıj Olımpıadasynyń kúmis medali buıyrdy. Barlyq qoldap jatqan jankúıerlerge, otandastaryma alǵysymdy aıtqym keledi. Bul – meniń alǵashqy Olımpıada oıynym. Buıyrsa kelesi Olımpıadada elime altyn alyp beremin», - dedi boksshy Nurbek Oralbaı.

Esterińizge sala keteıik, búgin bokstan erler arasynda 80 keli salmaqta Nurbek Oralbaı Parıj Olımpıadasynyń kúmis júldegeri atandy. Ol fınalda ýkraınalyq Aleksandr Hıjnıakpen judyryqtasyp, jeńilip qaldy.

Aıta ketsek, Parıj Olımpıadasyna bas bapker Myrzaǵalı Aıtjanov jeti boksshy alyp kelgen bolatyn. Ókinishke qaraı, onyń altaýy jarysty erte aıaqtady. Al áıelder boksynan lıtsenzııa jeńip alǵan úsh boksshynyń ekeýi alǵashqy jekpe-jekterinde jarys jolyn aıaqtasa, tek olardyń arasynan 50 keli salmaqta Nazym Qyzaıbaı ǵana el úmitin aqtady. Ol el qorjynyna Olımpıada oıyndarynyń úshinshi qola júldesin syılaǵan edi.