Kelesi qysqy Azııa oıyndary qaı qalada ótetini belgili boldy

<p>ASTANA. KAZINFORM &ndash; Azııa Olımpıada keńesi kelesi IX qysqy Azııa oıyndary ótetin qalany atady.</p>

Sportty damytý dırektsııasynyń baspasóz qyzmeti málim etkendeı, IX qysqy Azııa oıyndary 2025 jyly Qytaıdyń Harbın qalasynda 7 aqpan men 14 naýryz aralyǵynda ótetin boldy.

Azııa Olımpıada keńesi keshendi jarysty úılestirýshi komıtet ókilderimen kezdesip, boıtumar, emblema jáne urandy bekitip úlgerdi. IX básekeniń urany: «Qysqy armandar, Azııa ortalyǵyndaǵy mahabbat» (Dreams of Winter, Love among Asia).

Aıta keteıik, Harbınde osyǵan deıin 1996 jyly qysqy Azııa oıyndary ótken. Sol kezdegi muz saraıynyń birneshe alańy kelesi jyly da qoldanylmaq. Reti boıynsha ІІІ oıyndar Qazaqstan delegatsııasy úshin tabysty boldy. Ulttyq qurama sol jyly 14 altyn, 9 kúmis, 8 qola (barlyǵy 31) júldemen jalpy esepte jarys qojaıynynan keıingi 2-satyǵa jaıǵasqan.