Keles aýdanynda ákimshilik ǵımaratynyń ashylý saltanaty ótti
20:00, 15 Jeltoqsan 2021
KELES. QazAqparat - Túrkistan oblysy, Keles aýdanynda mereke qarsańynda memlekettik mekemeler ornalasatyn ákimshilik ǵımaraty paıdalanýǵa berildi. Jańa nysannyń ashylý saltanatyna aýdan basshylyǵy men jergilikti halyq qatysyp, izgi tilekterin jetkizdi, dep habarlaıdy QazAqparat tilshisi.
Aýdan ákimi Aqmentaı Esbaev jańa nysannyń lentasyn qıyp, qýanyshqa jınalǵan mamandardy quttyqtap ótti. Ǵımaratta jumys isteýge jaqsy jaǵdaı jasalǵan ákimshilik ǵımaratyn aralap shyqty.
«Táýelsizdigimizdiń 30 jyldyǵy qarsańynda paıdalanýǵa berilgen nysan aýdan turǵyndary men memlekettik qyzmetkerler úshin óte qolaıly bolmaq. Sebebi, aýdan qaıta qurylǵan jyly memlekettik mekemelerdiń jaıǵasatyn ǵımaraty másele týǵyzǵan bolatyn. Búginde sol másele sheshimin taýyp otyr»,- dedi aýdan ákimi.
Ákimdik ǵımaratynda 4 derbes bólim men Abaı aýyly ákimi apparaty qyzmetkerleri qonystanady. Bul óz kezeginde qyzmet alýshy jergilikti turǵyndar úshin de qolaıly bolmaq.