Keler jyly jańa Bıýdjet kodeksi ázirlenedi

ASTANA. QazAqparat – Kelesi jyldyń qyrkúıeginde Parlamenttiń qaraýyna jańa Bıýdjet kodeksi engiziledi. Ulttyq ekonomıka mınıstriniń birinshi orynbasary Tımýr Jaqsylyqov Úkimet otyrysynda osyndaı málimet aıtty, dep habarlaıdy QazAqparat tilshisi.

«Ortalyq jáne jergilikti organdardyń derbestigin arttyrýǵa basa nazar aýdara otyryp, bıýdjetteý tásilderi qaıta qaralyp jatyr. Jergilikti deńgeıge ortalyqtan shyǵys ókilettikterin bir mezgilde bere otyryp, qosymsha kiris kózderi beriledi. Bul óńirlerdiń ózin-ózi qamtamasyz etýi men derbestigin qamtamasyz etýge múmkindik beredi», - dedi birinshi-vıtse mınıstr.

Sondaı-aq, ol jańa Bıýdjet kodesi qashan ázirlenetinin aıtty.

«Jańa Bıýdjet kodeksi ázirlenip jatyr. Bul jumys sheńberinde Bloktyq bıýdjettiń jekelegen elementterin engizý pysyqtalýda. Qujat bıýdjet protsesin túbegeıli jeńildetýge jáne memlekettik basqarý júıesin odan ári ortalyqsyzdandyrýǵa baǵdarlanady. Qujatty kelesi jyldyń qyrkúıeginde Parlamenttiń qaraýyna engizý josparlanǵan», - dedi Tımýr Jaqsylyqov.