Keler jyly Petropavlda 18 qabatty úılerden turatyn kvartaldyń qurylysy bastalady
Soltústik Qazaqstan oblystyq ákimdiginiń málimetinshe, Petropavldaǵy jańa kvartaldyń qurylysyna 2 ga aýmaq bólingen.
Mundaı joba oblys ortalyǵynda buryn-sońdy qolǵa alynbaǵan. 18 qabatty 9 turǵyn úıdiń qurylysyn túrik kompanııasy júrgizbek.
Ǵımarattarda bızneske arnalǵan úı-jaılar, jer asty parkıngi, yńǵaıly aýlasy bolady. Qazirgi ýaqytta jobalaý jumystary júrgizilip jatyr.
Keler jyly sondaı-aq Jambyl kóshesinde turǵan «saqaldy» qurylys qolǵa alynbaq.
Saýda úıi, jer asty parkıngi jáne 4 turǵyn úı bloktan turatyn 14 qabatty bul ǵımarat Petropavldyń kórikti nysandarynyń birine aınalmaq.
Óńirde sońǵy jyldary 10 qabattan asatyn baspanalarǵa basymdyq berilip keledi. Máselen 2023 jyly J. Qızatov kóshesinde 485 páterlik 15 jáne 21 qabatty kaskadty eki turǵyn úı salynbaq.
Jeke turǵyn úı qurylysy da nazardan tys qalmaıdy.
Baspana salýǵa jerge kezekke turǵandarǵa 3 myń daıyn ýchaske beriledi. Ol jerlerge barlyq ınjenerlik jeli tartylady.
Máselen «ıÝjnyı» shaǵyn aýdanynda 973 jer ýchaskesine 41 shaqyrymdyq sý jelisi tartylsa, keler jyly aýdan elektr jelisin tartý jobasy qolǵa alynady.
Jalpy Petropavl boıynsha 12 myńǵa jýyq adam jer ýchaskesine kezekte tur.