Keler jyly qazaqstandyq kompanııalardyń 77% shtat sanyn kóbeıtpek

NUR-SULTAN. QazAqparat – Kelesi jyly elimizdegi kompanııalardyń 77 paıyzy qyzmetkerlerdiń shtat sanyn arttyrýǵa nıetti. Mundaı boljam HeadHunter platformasy júrgizgen saýalnama nátıjesinde jasalǵan, dep habarlaıdy QazAqparat tilshisi.

Saýalnamaǵa bólshek saýda, qurylys jáne jyljymaıtyn múlik, bilim berý, aqparattyq tehnologııalar jáne qarjy salalarynda qyzmet kórsetetin 336 kompanııa qatysqan.

Onyń ishinde kóbine bólshek saýda, medıtsına jáne farmatsevtıka, qurylys jáne jyljymaıtyn múlik baǵytyndaǵy kásiporyndar shtat sanyn ulǵaıtýdy josparlap otyr.

Ásirese, keler jyly satý (38%), óndiris (15%) marketıng (4%) bólimderi qyzmetkerlerdi qabyldaýǵa nıetti.