Keler jyly Qazaqstanda munaı óndirý kólemi 77 mln. tonnany quraıdy - UEM

ASTANA. QazAqparat - Energetıka mınıstrliginiń boljamyna sáıkes, 2016 jyly Qazaqstanda munaı óndrý kólemi 77 mln. tonnany quraıtyn bolady, atalǵan kórsetkish buǵan deıin boljanǵan deńgeıden 3,8 mln. tonnaǵa az. Bul týraly búgin Májiliste «2016-2018 jyldarǵa arnalǵan respýblıkalyq bıýdjet týraly» zań jobasynyń tanystyrylymy barysynda Ulttyq ekonomıka vıtse-mınıstri Marat Qusaıynov málim etti.

«Sonymen qatar, 2020 jylǵa qaraı elimizdegi munaı óndirý kólemi 92 mln. tonnaǵa deıin jetedi. Bul buryn boljanǵan derekterge qaraǵanda 12 mln. tonnaǵa tómen», - deıdi vıtse-mınıstr. Onyń aıtýynsha, 2016-2020 jyldar aralyǵynda Qazaqstanda aýyl sharýashylyǵy salasy jalpy ónimi kóleminiń ortasha jyldyq ósimi 2,8 paıyzǵa teń bolmaq. Al saýdada kórsetiletin qyzmetter ósiminiń qarqyny ortasha eseppen 4,5 paıyzdy quraıdy. Kólik, aqparat jáne baılanys qyzmetteriniń ósýi aǵymdaǵy jyldyń deńgeıinde saqtalady.

«Taýarlar eksporty qundyq máninde 2016 jyly baǵalaý boıynsha aldyńǵy kezeńge qaraǵanda 14,8 paıyzǵa tómendep, keıin munaı eksportynyń naqty kóleminiń boljanyp otyrǵan ulǵaıýynyń nátıjesinde 2017-2020 jyldar aralyǵynda 4,4 paıyzdan 7 paıyzǵa deıin ósetini kútiledi», - dedi M. Qusaıynov.