Keler jyly asyraýshysynan aıyrylǵandarǵa tólenetin járdemaqy 7% ósedi
11:22, 04 Qyrkúıek 2023
ASTANA. QazAqparat – Eńbekke qabilettilikten aıyrylý jáne asyraýshysynan aıyrylý boıynsha tólenetin áleýmettik járdemaqylardyń mólsheri artýy múmkin, dep habarlaıdy QazAqparat tilshisi.
«2024 jylǵy 1 qańtarǵa deıin Memlekettik áleýmettik saqtandyrý qorynan taǵaıyndalǵan eńbekke qabilettilikten aıyrylý jáne asyraýshysynan aıyrylý jaǵdaılary boıynsha tólenetin áleýmettik tólemderdiń mólsherin 2024 jylǵy 1 qańtardan bastap alatyn áleýmettik tólemderdiń mólsherinen 7 paıyzǵa arttyrý júrgizilsin. Osy qaýly alǵashqy resmı jarııalanǵan kúninen bastap, biraq erte degende 2024 jylǵy 1 qańtardan bastap qoldanysqa engiziledi», - delingen Ashyq NQA portalynda jarııalanǵan Úkimet qaýlysynyń jobasynda.
Eske salaıyq, bıyl qazaqstandyqtarǵa múgedektigi jáne asyraýshysynan aıyrylýyna baılanysty 228 mlrd teńge tólendi.