Keler jyly Astanada 2020 jylǵa deıingi QR TKSh-ny jańǵyrtý baǵdarlamasy aıasynda 57 úı jóndeledi - V.Krylov
V.Krylov atap kórsetkendeı, bıyl ýaqyttyń az bolýyna baılanysty TKSh-ny jańǵyrtý baǵdarlamasy aıasynda jóndeý jumystarymen kóp úıdi qamtý múmkin bolmady. Atap aıtqanda, qazirgi ýaqytta jalpy somasy 302 mln. teńgege 9 úıge aǵymdaǵy jóndeýler, 120 mln. teńgege taǵy 3 úıge kúrdeli jóndeý jumystary júrgizilýde.
Kóshpeli komıssııa músheleri jóndeýler aıaqtalǵan Jeńis dańǵylyndaǵy - 2 jáne Kúıshi Dına kóshesindegi 2 úıge at basyn tiredi. Birinshi atalǵan kópqabatty úılerdiń karýbıd pen keramzıt materıaldaryn qoldaný arqyly shatyrlary jóndeldi. Úılerge ortaq ınjenerlik jeliler aýystyryldy, sonyń ishinde jylý berý jelisine tolyǵymen qaıta jóndeý júrgizilip, esepteý quraldary ornatyldy. Ákim orynbasarynyń aıtýynsha, ol birinshi kezekte, jylý energııasynyń shyǵynyn azaıtyp, turǵyndarǵa tek ózderi paıdalanǵan jylý úshin tóleýge múmkindik beredi. Onymen birge, kireberisterde júrgizilgen kúrdeli jóndeý jumystary barysynda eski terezeler jańartylyp, metall qorshaýlar qoıyldy. Kirý alańdarynyń aspaly tóbe qalqandary aýystyryldy.
Bir úıdi jóndeýge jumsalǵan qarajat ortasha alǵanda - 37-53 mln. teńgeni qurady. Bir páter ıesi 10 jyldyń ishinde 360-400 myń teńgeni qaıtarýy tıis. ıAǵnı, bir aıda 3600-4000 teńge tóleıdi. Soma Biryńǵaı esepteý ortalyǵynyń túbirteginde kommýnaldyq qyzmettermen qosa keletin bolady. Aıta keteıik, áleýmettik az qamtamasyz etilgen azamattar úshin turǵyn úı kómegin berý qarastyrylǵan.
Úıleri 2011 jyldyń kúzinde jóndeýden ótken turǵyndar memleketten bólingen aqshany 2012 jyldyń naýryzynan bastap, ıaǵnı jylytý maýsymy aıaqtalyp, úılerge energoaýdıt júrgizilgennen keıin qaıtara bastaıdy.
Búginde Astana qalasynda 2011 kópqabatty turǵyn úı bar, onyń 528-i kúrdeli jáne aǵymdaǵy jóndeýdi qajet etedi. 2012 jyly 7 úıge - kúrdeli, 50 úıge aǵymdaǵy jóndeý jumystaryn júrgizý kózdelip otyr. V.Krylovtyń aıtýynsha, bul jumystarǵa 1,5 mlrd. teńge qarjy jumsalatyn bolady.