Keler jylǵa deıin el aýmaǵynan qolma-qol rýbldi áketýge ruqsat berildi
«Qazaqstan Respýblıkasynyń ekinshi deńgeıdegi bankterine Qazaqstan aýmaǵynan qolma-qol Reseı rýblin áketýge ruqsat etilsin. QR Qarjy mınıstrligi QR Ulttyq qaýipsizdik komıtetimen birlesip, osy qaýlyny iske asyrý boıynsha qajetti sharalar qabyldasyn. Osy qaýly qol qoıylǵan kúninen bastap qoldanysqa engiziledi jáne 2024 jylǵy 1 qańtarǵa deıin qoldanylady», - dep jazylǵan Premer-Mınıstr Álıhan Smaıylov qol qoıǵan Úkimet qaýlysynda.
Eske salaıyq, byltyr da ekinshi deńgeıli bankterge qolma-qol Reseı rýblin bir rettik tártippen 60 kún ishinde Qazaqstan aýmaǵynan áketýine ruqsat etilgen edi. Onda Ulttyq bank mundaı bastama rýbldi qolma-qol aqshasyz formaǵa konvertatsııalaý jáne bankterdiń korrespondenttik shottaryn toltyrý maqsatynda usynylǵanyn túsindirip edi.