Keler jyly shetelden keletin dárilerdiń baǵasy tómendeýi múmkin
Búgin Úkimet otyrysynda Premer-mınıstr Oljas Bektenov dári-dármek baǵasynyń nezissiz ósýine jol bermeý úshin qandaı sharalar qabaldanǵanyn surady
Óz kezeginde A. Álnazarova bul baǵytta tıisti jumystar atqarylyp jatqanyn aıtty.
«Baǵany retteıtin normatıvtik aktiler bar. Densaýlyq saqtaý mınıstrliginiń buıryqtary saraptalyp, qaıta qaralyp jatyr. Onyń ishinde dári-dármek baǵasynyń negissiz ósýine jol beretin shyǵyndar anyqtaldy. Bul turǵyda marketıngtik shyǵyndar 30 paıyzǵa deıin, taǵy 15 paıyzy logıstıkaǵa qarastyrylǵan. Osynyń barlyǵyna optımızıtsııa jasaý eskerilgen. Qazir tıisti buıyryq jaýapty memlekettik organdarmen kelisilip jatyr, jyl aıaǵyna deıin oǵan qol qoıylady dep eskerilgen», - dedi Densaýlyq saqtaý mınıstri.
Sonymen qatar ol 20 tamyzda djenerık pen túpnusqa dári-dármek arasyndaǵy baǵa aıyrmashylyǵyna qatysty tıisti tártip engizilgenin, ıaǵnı djenerık eleýli túrde arzan bolýy tıis ekenin aıtty.
Budan bólek, shetelden keletin dárilik zattarǵa qatysty ımporttyń baǵasyn retteý maqsatynda Densaýlyq saqtaý mınıstrliginiń aqparattyń júıesin Qarjy mınıstrligi memlekettik kirister organyndaǵy «Keden» baǵdarlamasymen ıntegratsııa jumystary bastalǵan.
«Keler jyldyń basynda osy ıntegratsııany tolyqtaı aıaqtasaq, ımporttyq ónimniń elimizge naqty qaı baǵamen kirip jatqanyn kóre otyryp, baǵa qalyptastyrý jaǵdaıyna oń áserin tıgizedi», - dedi vedomstvo basshysy.
Budan buryn habarlanǵandaı, Premer-mınıstr Densaýlyq saqtaý mınıstrligi jumys tásilin ózgertip, otandyq óndirýshilermen jáne sheteldik ınvestorlarmen ózara baılanystardy jandandyrýy kerek ekenin tapsyrdy.