Keler jyly Ózbekstan úkimeti halyqty áleýmettik qorǵaýǵa 39 mln dollar baǵyttaıdy

<p>TAShKENT. KAZINFORM&nbsp;&mdash; 2025 jyly ózbekstandyqtardy áleýmettik qorǵaýǵa jáne kedeılik deńgeıin tómendetý úshin memlekettik bıýdjetten 500&nbsp;mlrd sým (shamamen 39&nbsp;mln dollar) bólinedi. Bul týraly Ózbekstan prezıdenti Shavkat Mırzıeev Olıı Majlıs Senatynyń alǵashqy otyrysynda málim etti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Ózbekstan basshysynyń baspasóz qyzmetinen málim etkendeı, qarajat áleýmettik az qamtylǵan azamattardy qoldaýǵa jáne «Áleýmettik karta» biryńǵaı júıesin iske asyrýǵa baǵyttalady.

Aıta keteıik, atalǵan júıe arqyly áleýmettik qyzmet pen kómektiń 65 túri jáne 50-ge jýyq jeńildik usynylady.

Foto: Ózbekstan prezıdentiniń baspasóz qyzmeti

Sonymen qatar, tabysynan aıyrylǵandar men densaýlyq jaǵdaıyna baılanysty eńbekke jaramsyz sanalatyn turǵyndardy áleýmettik saqtandyrý týraly zań qabyldaý josparlanyp otyr.

Toqtala ketsek, keıingi 4 jylda Ózbekstandaǵy kedeılik deńgeıi 23%-dan 11%-ǵa tómendedi. Aldaǵy úsh jylda bul kórsetkishti 7%-ǵa deıin azaıtý kózdelgen.

Foto: Ózbekstan prezıdentiniń baspasóz qyzmeti

Eske salaıyq, endi Ózbekstanda «Qurmetti donor» belgisiniń ıegerlerine beriletin birjolǵy tólem mólsheri 3 ese artady.