Keler jyldyń 1 aqpanynan Ulttyq qor tabysynan balalarǵa qarajat aýdaryla bastaıdy
«Alǵashqy aýdarym 2024 jyldyń 1 aqpanynda túsedi. Ózderińiz biletindeı, baǵdarlama 2024 jyldyń 1 qańtarynda iske qosylady. Odan keıin esepteýler júrgizý úshin bir balaǵa somany anyqtaý qajet bolady. Bul qarapaıym arıfmetıka, 18 jyldaǵy ınvestıtsııalyq kiristiń 50 paıyzy 18 jasqa deıingi balalardyń sanyna bólinedi. Sol arqyly bir balaǵa beriletin soma anyqtalady. Jáne de aýdarym aldaǵy jyldyń 1 aqpanynan júzege asyrylady. 1 aqpannan keıin 18-ge tolǵan balalar elektrondy platforma arqyly aqshany sheship alýǵa ótinsh berýge quqyly», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, balalardyń ata-analary shotqa aqsha túskenin Biryńǵaı jınaqtaýshy zeınetaqy qorynyń saıtynan teksere alady.
«Ol úshin balanyń JSN-in engizip, qarajat túskenin ne túspegenin tekserý qajet. Ol jerde 2024 jylǵa ǵana túsetin qarajat bolady. Al birneshe jylǵa túsetin qarajatty kórý úshin Egov-taǵy jeke kabınetke kirý kerek», - dedi vıtse-mınıstr.