Naýryzda Tashkentte júk kólikteriniń keptelis ýaqytynda júrýine tyıym salynady

<p>TAShKENT. KAZINFORM - 1 naýryzdan bastap Tashkentte salmaǵy 10 tonnadan asatyn N2, N3 jáne O4 sanattaryndaǵy júk kólikteriniń keptelis ýaqyttarynda júrýine tyıym salynady. Mundaı talap Ózbekstan prezıdenti Shavkat Mırzıeevtiń tıisti <a href="https://uza.uz/ru/posts/o-gosudarstvennoy-programme-po-realizacii-strategii-uzbekistan-2030-v-god-podderzhki-molodezhi-i-biznesa_570600" target="_blank" rel="noopener">jarlyǵymen</a> bekitildi. Bul týraly <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar habarlady.</p>

Naqtylaı keteıik, atalǵan shekteý arnaıy qyzmetterdiń, onyń ishinde kommýnaldyq sharýashylyq jáne Ózbekstan Qarýly kúshteriniń júk kólikterine qatysty qoldanylmaıdy. 

Bul baǵyttaǵy talaptardyń oryndalýyna Ekologııa mınıstrligi, Densaýlyq saqtaý mınıstrligi, Qurylys jáne turǵyn úı-kommýnaldyq sharýashylyǵy mınıstrligi, Іshki ister mınıstrligi men Kólik mınıstrlikteri jaýapty bolady.

Joǵaryda atalǵan N2 jáne N3 sanatyna enetin kólikter - maksımaldy salmaǵy 12 tonnadan aspaıtyn júkterdi tasymaldaýǵa arnalǵan kólikter, al O4 sanatyndaǵylar – eń joǵary massasy 10 tonnadan asatyn tirkemeler.