«Kek alýshylar: Altron dáýiri» epıkalyq blokbasteri qazaq tilinde kórsetile bastady
Bul fılm 2011 jyldan beri qazaq tiline aýdarylǵan 11-shi fılm. «Bolashaq» qaýymdastyǵy «Nur Otan» partııasynyń qoldaýymen «Jastar-Otanǵa!» jobasynyń sheńberinde gollıvýdtyq fılmderdi dýblıajdaý boıynsha jobany bes jyl buryn bastady. Onyń ıdeıalyq avtory men bastamashysy - «Nur Otan» partııasy tóraǵasynyń birinshi orynbasary Baýyrjan Baıbek.
«Elbasymyzdyń qoldaýymen bastalǵan joba aıasynda 5 jyldyń ishinde 11 fılmdi tikeleı aǵylshynnan qazaq tiline aýdardyq. Ol biz úshin úlken jetistik. Endi qazaq tili dúnıejúzinde moıyndalyp, osy fılm aýdarylǵan 20 tildiń qataryna enip otyr. Bul bizdiń tilimizdi, dástúrimizdi, mádenıetimizdi moıyndap jatqany», - deıdi B.Baıbek.
Atalǵan jobanyń arqasynda álemdik kıno óndirisiniń lıderleri Marvel, Walt Disney, Sony Pictures kompanııalarynyń fılmderi naǵyz ulttyq ónimge aınalýda. Qazaqshasy barlyq álemde DVD, Blu-Ray-dan kórýge bolatyn gollıvýdtyq fılmderdiń negizgi tilderiniń birine aınaldy. Ana tilimizge aýdarylǵan alǵashqy blokbasterlerdiń biri - «Kólikter-2» mýltfılmi. Oǵan Elbasynyń ózi joǵary baǵa berip, qazaq tiliniń aıasyn keńeıtýdiń tamasha quraly bolatynyna, ásirese, elimizdegi jas býynǵa til úıretýge sebebin tıgizetinine senim bildirgen edi.
«Satýrn» amerıkandyq syılyǵynyń ıegeri jáne «Oskar» syılyǵyna nomınant Djoss Ýıdon - «Kek alýshylardyń» ekinshi bóliminiń rejısseri. Blokbasterdegi basty rólderdi jahandyq Marvel juldyzdary oınady: «Altyn Globýs» jáne «Satýrn» syılyǵynyń ıegeri kishi Robert Daýnı, Skarlett Iohanson, Krıs Hemsvort, Krıs Evans, Oskar syılyǵynyń nomınanttary - Mark Rýffalo, Djeremı Renner jáne Semıýel L.Djekson.
Qazaqsha dýblıajdyń rejısseri - Tımýr Balymbetov. Bul onyń ótken jyldyń jazynda Qazaqstan kınoekrandarynda kórsetilgen «Galaktıka saqshylarynan» keıingi ekinshi rejısserlik tájirıbesi. Tımýr Balymbetov amerıkandyq komıksterdiń keıipkerlerine erekshe yqylaspen qaraıtynyn jáne Marvel keıipkerleriniń qazaq tilinde sóılep, qazaqstandyq kórermenderge jaqyn jáne túsinikti ete túskisi kelgen armanyn zor qýanyshpen ómirde iske asyryp jatqanyn aıtady. Tuńǵysh ret dýblıajdyń aktrısasy, belgili ánshi Maqpal Isabekova boldy, ol bul fılmde keıipker Skarlett Iohansonnyń daýysyn dybystady. Buryn ol «Batyl júrek» mýltfılmindegi keıipkerdiń ánin salǵan bolatyn.
Fılmniń basty keıipkerleriniń daýysyn dybystaǵan qazaqstandyq akterler: Jasulan Baısalbekov (Altron), Beıbit Qamaranov (Tor), Erjan Jarylqasynov (Temir adam), Erǵalı Tólebaev (Kapıtan Amerıka), Baqytjan Jarmuhambetov (Qyran Kóz), Samat Qordabaev (Halk).
Fılmniń dýblıajyna jobanyń turaqty qatysýshylaryna aınalǵan Baǵanashyldaǵy №1 balalar úıiniń tárbıelenýshileri qatysty. Astanadaǵy kórsetilimde dýblıajdyń jas qatysýshylary men kórermenderden basqa qoǵam qaıratkerleri, isker jáne shyǵarmashyl zııalylar, BAQ ókilderi boldy.
Fılm týraly derekter Fılmdi jasaý ıdeıasy Stený Lı men Djeký Kırbıdiki bolyp tabylatyn, Kek alýshylar keıipkerleri týraly komıks tuńǵysh ret 1963 jyly ómirge keldi. Fılm Marvel Comics baspasy komıksteriniń negizinde jasalǵan jáne jahandyq Marvel kınomotografııasynyń on birinshi fılmi bolyp tabylady. Qoıýshy sýretshi Charlz Výdtyń arqasynda, Marvel stýdııasynyń eń úlken dekoratsııasyna aınalǵan «Kek alýshylardyń» munarasy qalpyna keltirildi. Negizgi oqıǵalar men fılm epızodtarynyń bári osy munarada ótedi.