KEGOS basshysy senatordyń usynysy týraly: Reseıden qosymsha elektr jelisin tartýdyń qajeti joq

<p>ASTANA. KAZINFORM &ndash; KEGOS aktsıonerlik qoǵamynyń basqarma tóraǵasy Nábı Aıtjanov senator Ásem Rahmetovanyń Reseıdegi Omby, Túmen oblystarynan soltústik óńirlerge gaz tartýǵa qatysty usynysyna pikir bildirdi.</p>

«Senatorlar eldiń soltústik óńirlerine Reseıdiń Túmen, Omby oblystarynan qosymsha elektr jelisin tartý týraly usynys aıtyp, saýal joldaǵan edi. Elektr tapshylyǵyn Reseıge táýeldilik arqyly sheshetin bolsaq, AES salýdyń qajeti qansha? Osy týraly oıyńyz qandaı?» - dep surady jýrnalıst.

KEGOS basshysy ondaı jeliniń Qazaqstanǵa qajeti joq ekenin túsindirdi.

«Birinshiden, qosymsha jeli tartýdyń qajeti joq. Ekinshiden, biz Ekibastuzdan Jambylǵa deıin turaqty tok júıesin salamyz. Ol qosymsha jeli soltústikten ońtústikke qajetti elektr qýatyn tasymaldaıdy.

Túmennen, Orynbordan jeli tartý usynysyna kelsek, Ekibastuzdyń áleýetin alaıyq. Bizdegi eń úlken qosalqy stantsııa sonda. Reseı Federatsııasynan Ekibastuzǵa deıin qazirgi bos turǵan júıelerimizdiń qýaty 2,5 GVt. 2,5 GVt, bul – úlken qýat. Sondyqtan bizge Reseıden qosymsha jeli tartýdyń onsha qajettiligi joq», - dedi Nábı Aıtjanov.

Eske salaıyq, Senat depýtaty Ásem Rahmetova Premer-Mınıstri Álıhan Smaıylovtyń atyna joldaǵan saýalynda Reseıdiń Omby jáne Túmen oblystarynan soltústik óńirlerge gaz tartýdy usynǵan bolatyn.