KEGOC BUU-nyń Jahandyq kelisimshartyna qosyldy
07:35, 22 Mamyr 2013
ASTANA. 22 mamyr. QazAqparat - KEGOC BUU-nyń Jahandyq kelisimshartyna qosyldy. Bul týraly Halyqtyq IPO baǵdarlamasynyń resmı saıty habarlady.
«KEGOC» AQ baspasóz qyzmeti habarlaǵandaı, atalmysh qadam kompanııanyń Qazaqstandaǵy korporatıvtik basqarý salasynda kóshbasshylardyń biri bolyp qala berý nıetiniń salmaqtylyǵyn aıǵaqtaıdy.
«Biz árdaıym álemdegi úzdik tájirıbege sáıkes bolǵymyz keledi, sondyqtan da ornyqty damýǵa járdemdesý jónindegi erikti bastamany jáne kompanııanyń jaýapty azamattyq pozıtsııasyn bildirdik», - deıdi «KEGOC» AQ Basqarma tóraǵasy Baqytjan Qajıev.
BUU-nyń Jahandyq kelisimsharty óz qyzmetin adam quqy, eńbek qatynastary, qorshaǵan ortany qorǵaý jáne jemqorlyqpen kúres salasyndaǵy on qaǵıdatqa sáıkes júrgizgisi keletin isker toptardyń ókilderine arnalǵan.
«KEGOC» atalmysh qujatqa qosylǵan Qazaqstannyń 24-shi kompanııasy.