«KEGOC» AQ-na aıyppul salynýy múmkin
Bul týraly QazAqparat QR Ulttyq ekonomıka mınıstrligi Tabıǵı monopolııalardy retteý komıtetiniń baspasóz qyzmetine silteme jasap habarlaıdy.
Baspasóz qyzmetiniń málimetterine qaraǵanda, Tabıǵı monopolııalardy retteý komıteti qubyr ónimderin óndirý jónindegi zaýyttyń ótinishi negizinde, «KEGOC» AQ-na qatysty jospardan tys tekserý júrgizdi. Tekserý qorytyndysy boıynsha tutynýshylardyń rettelip kórsetiletin qyzmetke qoljetimdiligi bóliginde Qazaqstan Respýblıkasynyń tabıǵı monopolııalar týraly zańnamasy talaptarynyń buzylýy anyqtaldy.
Nátıjesinde, «KEGOC» AQ-na qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 164-babynyń tórtinshi bóligi boıynsha ákimshilik quqyq buzýshylyq týraly hattama toltyryldy, ol sýbektiniń ótinishi boıynsha sottyń qaraýyna berildi.
«Bul rette, ákimshilik is TMRK paıdasyna qaralǵan jaǵdaıda, «KEGOC» AQ-na 4 900 800 teńge kóleminde ákimshilik aıyppul salynatynyn atap ótken jón»,-delingen habarlamada.
Aıta keteıik, osyǵan deıin Senat depýtaty KEGOC pen «Samuryq-Energony» mınıstrlik qaramaǵyna berýdi usynǵanyn habarlaǵan bolatynbyz,