«KEGOC»AQ qyzmetkerleri Jeńistiń 65 jyldyǵyna arnalǵan spartakıadanyń júlde qoryn soǵys ardagerlerine aýdardy

STANA. Sáýirdiń 19-y. QazAqparat /Aıgúl Aıtmuqanova/ - Elektr jelilerin basqaratyn «KEGOC» kompanııasy qyzmetkerleriniń dástúrli jyl saıynǵy spartakıadasy bıyl Uly Otan soǵysyndaǵy Jeńistiń 65 jyldyǵyna arnaldy.

«KEGOC» AQ-ǵa qarasty mekemeler men ókildikter qyzmetkerlerinen quralǵan 11 toptyń sheshimimen 300 000 teńge kólemindegi jarystyń júlde qory Býrabaı aýdanynyń (Şýchınsk q.) soǵys pen eńbek ardagerleri keńesiniń esepshotyna aýdaryldy.

Sport oıyndarynyń saltanatty jabylý rásimine Şýchınsk qalasynda turatyn 1941-1945 jylǵy Uly Otan soǵysynyń ardagerleri Leonıd Kýtepov, Vasılıı Pazych jáne ınternatsıonalıst-jaýynger Aleksandr Ogorodnıkov shaqyryldy.

«KEGOC» AQ vıtse-prezıdenti Baqytjan Qajıev aıtqandaı, jarys qatysýshylary ardagerler erligine qurmet belgisi retinde jarystyń júlde qoryn aýdarýdy bir aýyzdan qoldaǵan.

Maıdangerler jarysqa qatysýshylarǵa alǵysyn bildirip, jas býynnyń el namysyn joǵary ustap, jeńistiń qandaı baǵamen qolǵa túskenin árqashan este saqtaýyn tiledi.