«KEGOC» AQ aǵymdaǵy jyly jalpy somasy 64 mıllıardtan astam teńgege satyp alýlardy júzege asyrady
Bul týraly atalǵan kompanııanyń baspasóz qyzmetinen habarlady.
Kompanııanyń taratqan málimetine sáıkes, atalǵan somanyń ishinde otandyq taýar óndirýshilerden satyp alynatyn taýarlar, jumystar men qyzmetter kólemi, ıaǵnı josparlanyp otyrǵan qazaqstandyq qamtý 41 mlrd. teńgeni nemese 64 paıyzdy quramaq. Onyń ishinde: taýarlar 11,2 mlrd. teńge, jumystar 26,6 mlrd. teńge jáne qyzmetter 3,56 mlrd. teńge somasynda josparlanǵan.
2010 jylǵy 1-shi toqsannyń qorytyndysy boıynsha «KEGOC» AQ 27,5 mlrd. teńge somasyna satyp alýlar júrgizgen. Onyń ishinde qazaqstandyq qamtý 58 paıyzdy (16 mlrd.) quraǵan. Sonymen qatar otandyq jetkizýshilermen ózara yntymaqtastyq týraly 7 memorandýmǵa qol qoıylǵan. Olardyń jalpy somasy 236 mln. teńgeden asady.
Baspasóz qyzmetiniń habarlaýynsha, qazirgi ýaqytta kompanııa elektr energetıkasy salasynyń qajettilikterin óteýge baǵyttalǵan jańa óndiristik qýat kózderin ashý boıynsha seriktester izdestirý jumystaryn júrgizýde.
«Ońtústik koreılik Hyundai kompanııasynyń, qytaılyq TVEA kompanııasynyń ókilderimen Qazaqstan aýmaǵynda energııa berýshi jabdyqtardy qurastyrý óndirisin ashý týraly, ýkraındyq «Zaporoj transformator zaýyty» AAQ kompanııasynyń ókilderimen energetıka jabdyqtaryna servıstik qyzmet kórsetý ortalyǵyn ashý týraly kezdesýler ótti. Mundaı óndiris oryndarynyń ashylýy Kedendik odaqtyń básekelestik basymdyqtaryn eskere otyryp, jańa jumys oryndaryn ashýǵa jáne álemdik standarttarǵa sáıkes keletin ónimder shyǵarýdy jolǵa qoıýǵa múmkindik beredi», delingen baspasóz baıanynda.