Kedeıliktiń kesirinen túrli indetter men basqa da qasiretter tarap jatyr - Rım Papasy

NUR-SULTAN. QazAqparat – Búgin elordadaǵy Álemdik jáne dástúrli dinder lıderleriniń VII sezinde Rım Papasy Frantsısk kedeılik pen teńsizdikke qatysty pikir bildirdi, dep habarlaıdy QazAqparat tilshisi.

«Barlyǵyna, ásirese, qamqorlyqsyz qalǵandar men múmkindigi joq adamdarǵa jaqyn bolaıyq. Qoǵamnyń eń álsiz jáne kedeı toptaryna, únsiz azap shegip jatqan jandarǵa nazar aýdaraıyq», - dedi Pontıfık.

Rım Papasynyń aıtýynsha, kedeıliktiń kesirinen túrli indetter men basqa da qasiretter tarap jatyr.

«Qazirgi kezde eń úlken syn-qater faktory retinde áli de kedeılik bolyp tur. Kedeılik pen janjaldyq saldary zorlyq-zombylyq pen sarańdyqqa ákeledi. Teńsizdik pen ádiletsizdikke tosqaýyl qoımasaq, COVID-ten de jaman vırýstardy, ıaǵnı óshpendilikti, zorlyq-zombylyqty, terrorızmdi toqtatý múmkin emes. Bul óz kezeginde bizdi planetarlyq aýqymdaǵy ekinshi problemaǵa ákeledi, osy másele erekshe túrde dindarlarǵa qatysty bolyp tur», - dedi Rım Papasy.

Osy oraıda Pontıfık din kóshbasshylary álemde sheshilmeı jatqan qaqtyǵystardy doǵarý úshin sabyrǵa shaqyryp, óz úlesin qosýy kerek ekenin aıtty.