«Kedentransservıs» AQ-nyń vıtse-prezıdenti qamaldy

ASTANA. QazAqparat - «Kedentransservıs» AQ vıtse-prezıdenti Ǵalym Muqanov pen kompanııanyń taǵy bir qyzmetkeri Dýlat Ývaev qamaýǵa alyndy, dep habarlaıdy QazAqparat tilshisi qalalyq sottyń baspasóz qyzmetine silteme jasap.

«Astana qalasynyń Esil aýdandyq №2 sotynyń 2018 jylǵy 8 maýsymdaǵy qaýlysymen Ǵalym Qaskerbaıuly Muqanov, Dýlat Serikuly Ývaevqa qatysty eki aı merzimge sheıin qamaýda ustaý bultartpaý sharasy qoldanyldy», - dep málimdedi baspasóz qyzmeti.

Habarlarǵa qaraǵanda, Ǵalym Muqanov 2017 jylǵy aqpannan beri vıtse-prezıdent laýazymyn atqaryp kelgen. Eńbek jolyn 1999 jyly Astana stansasynda jylýmen qamtý sheberi retinde bastaǵan. Ár jyldarda jeke sektorda, «Qazaqstan temir joly» RMK qurylymynda jumys istegen. 2011 jyldan beri «Kedentransservıs» AQ-ta túrli laýazymdardy atqaryp kelgen.