Kedenshiler bıýdjetke 264 mlrd. teńgeden astam kiris ákeldi
14:13, 25 Sáýir 2012
ASTANA. 25 sáýir. QazAqparat - Ótken úsh aıdyń qorytyndysy boıynsha elimizdiń keden organdary bıýdjetke 264 mlrd. 766 mln. teńge kóleminde kiris ákeldi.
Bul týraly búgin Astanada ótken baspasóz máslıhatynda QR Qarjy mınıstrligi Kedendik baqylaý komıtetiniń tóraǵasy Májıt Esenbaev málim etti.
Onyń habarlaýynsha, bul ótken jyldyń atalǵan kezeńimen salystyrǵanda 4 paıyzǵa, ıaǵnı 2 mlrd.-qa artyq. Osy ýaqyt aralyǵynda kedenshiler 144 qylmystyq jáne 3 myńǵa taıaý ákimshilik isterdi qozǵap, 365 mln. teńge óndirip aldy. Qylmystyq ister boıynsha tárkilengen taýar men kontrabandalyq valıýtanyń jalpy somasy 1 mlrd. teńgeni qurady. Zańsyz aınalymnan 1 keli 673 gramm san alýan esirtki zattary shyǵaryldy.