Kedendik odaqqa taǵy 4 el qosylýǵa nıetti - AEF

ASTANA. QazAqparat - Kedendik odaqqa taǵy 4 eldiń halqy qosylýdy qoldap otyr. Bul týraly búgin VII Astana ekonomıkalyq forýmy aıasynda ótken eýrazııalyq ıntegratsııa taqyrybyna arnalǵan paneldi sessııada Eýrazııalyq damý banki ıntegratsııalyq zertteý ortalyǵynyń jetekshisi Vladımır Pereboev málim etti.

Onyń aıtýynsha, bıyl Kedendik odaqqa qatysty halyqtyń pikiri men halyqaralyq ıntegratsııalyq úderisterdi qabyldaý kórsetkishine áleýmettik zertteý júrgizildi.

«Kedendik odaq pen Biryńǵaı ekonomıkalyq keńistikke qosylýdy taǵy 4 el qoldap otyr. Olar: Ózbekstan, Tájikstan, Qyrǵyzstan, Armenııa. Onyń ishinde úsh memleket: Qyrǵyzstan, Tájikstan, Armenııa KO-ǵa enýge jaqyn elder ekenin atap óteıik», - dedi V. Pereboev.

Degenmen, sońǵy kezeńderde Qyrǵyzstanda KO-ǵa qosylýǵa qarsy pikirlerdiń sany ulǵaıyp ketken.

«Eger ótken jyly 14 paıyz teris pikir qalyptassa, 2014 jyly qarsy bolǵandar sany 16 paıyzdy qurady. Al pikirdi qoldaý 13 paıyzǵa azaıdy», - dedi sarapshy.

Onyń ústine, Grýzııada Kedendik odaq qataryna qosylýdy qoldaýdyń sany artqan.

«Bul Kedendik odaq pen Grýzııa arasyndaǵy qarym-qatynasty belsendire túsý qajettigin kórsetedi», - dep túıdi sózin EDB ókili.