Kedendik odaq ınnovatsııalyq jobalardy keńinen paıdalanýǵa zor múmkindik beredi - V.Manachınskıı
Solardyń arasynda oblysqa, odan qaldy respýblıkaǵa tanymal Zerendi aýdanynyń Sadovoe selosyndaǵy «Milk Project» seriktestiginiń dırektory Valerıı Manachınskıı: «Shekarany ashsaq, Reseıdiń taýarlary basyp ketedi de, budan otandyq kásipkerlerimiz japa shegetin bolady dep qara aspandy tóndirgenderdiń aıtqany beker bolyp shyqty. Dúkender men bazarlarda satylyp jatqan taýarlardyń arasynda Reseıdiń zattarynyń úles salmaǵy burynǵy deńgeıden asqan joq. Kerisinshe, Aqmola oblysynyń aýmaǵynda jergilikti jerde óndirilgen azyq-túlik taýarlarynyń úlesi jyl ótken saıyn artyp keledi», degen pikir bildirip otyr.
Buryn basqany bylaı qoıyp, shujyq pen konfet-pechene, tipti sút ónimderine deıin Reseıden tasylsa, qazir otandyq ónimder, onyń ishinde oblystyń óz aýmaǵynan shyǵarylǵan ónimder qatary kóbeıe túsken. Buǵan sońǵy jyldarda oblysta ónerkásip pen óńdeýshi salany damytý baǵytynda maqsatty júrgizilgen jumystardyń ıgi yqpaly tıip otyrǵany anyq. Sońǵy birer jyldyń ishinde ǵana oblysta jańa tehnologııamen jumys isteıtin sút ónimderin shyǵaratyn birneshe iri kásiporyn iske qosyldy. Sonyń biri joǵaryda atalǵan Sadovoe selosyndaǵy «Milk Project» seriktestigi. Kásiporyn alǵashqylardyń biri bolyp bıylǵy jyly shekaralas Omby oblysyna sút ónimderin jóneltýdi kózdep otyr.
«Keden odaǵy tóńireginde aıtylyp jatqan ártúrli alypqashty áńgimeler áli de bar. Degenmen, shekara asyp, Reseıge baryp turatyn qarapaıym halyq pen osy elmen iskerlik baılanystaǵy kásipkerler Kedendik odaqtyń ıgilikterin qazirdiń ózinde sezine bastaǵan jaıy baıqalady. Óıtkeni, shekarada burynǵydaı kóp kidiris, uzyn-sonar kezek joq. Zattaryńdy tekserip, sómkeńdi aqtaryp, taýar tıelgen kólikterdi saǵattap, tipti, táýliktep qańtaryp qoıatyn jaılardyń bári umytylǵan. Qujattaryń túgel bolsa bolǵany, tek, qarý-jaraq, esirtki joq pa degen birer saýaldan keıin júre berýińe bolady. Aǵymdaǵy jyly bizdiń kásiporyn da kórshi Omby oblysyna sút ónimderin jóneltýdi josparlap qoıǵan. Bul bizdiń kásiporynnyń órisin keńeıtip, óndiristiń damýyna jol ashpaq. Jalpy, Kedendik odaq, oǵan múshe elderdiń ekonomıkalyq yntymaqtastyǵyn nyǵaıtyp qana qoımaı, otandyq aýyl sharýashylyǵy salasynyń tamyryna qan júgirtip, ınnovatsııalyq jobalardy keńinen paıdalanýǵa zor múmkindik beredi»,-deıdi V.Manachınskıı.