Kedendik odaq elimizdiń balyq eksportynyń áleýetin arttyra túsedi - ıÝ. Romashov
Bul baǵytta tıimdi sharalar qamtylyp otyr. Búgin balyq sharýashylyǵy salasyndaǵy qaıta óńdeý máselelerine arnalǵan dóńgelek ústel jıyny barysynda Aýyl sharýashylyǵy mınıstrligi Balyq sharýashylyǵy komıtetiniń tóraǵasy ıÝrıı Romashov osylaı málim etti, dep habarlaıdy QazAqparat.
Komıtet tóraǵasynyń aıtýynsha, Kedendik odaq aıasynda otandyq taýar óndirýshiler úshin balyq ónimderiniń eksportyn jaqsartýǵa baǵyttalǵan birqatar keshendi sharalar qamtylǵan. Máselen, bunda tarıftik emes retteýge jatatyn balyq ónimderi taýarlarynyń tizbegi qysqartylady, ıaǵnı balyq pen balyq ónimderiniń eksporty kezinde ruqsat berý úderisteri tek qana tiri balyqqa, tiri shaıan tárizdilerge qatysty bolady. «Al qalǵan barlyq balyq pen balyq ónimderiniń túrleri ýákiletti organdardan ruqsat alýsyz-aq eksporttalatyn bolady. Bizdiń paıymdaýymyzsha, bul shara osy saladaǵy otandyq taýar óndirýshiler úshin eksporttyq áleýetti arttyra túsedi», dedi ıÝ. Romashov.
Onyń aıtýynsha, budan bólek balyq sharýashylyǵyndaǵy jańa zańnama aıasynda qazaqstandyq kásiporyndardy qoldaıtyn normalar da qarastyrylǵan. Máselen, atalǵan sala boıynsha balyq qorlaryn saqtaýǵa arnalǵan sýbsıdııalar, balyq aýlaý úshin arnaıy jabdyqtarǵa bıýdjettik lızıngtik kredıtter qamtylyp otyr. Sonymen qatar, sala úshin arnaıy salyqtyq rejimniń engizilýi de oń áser etetin bolady.