Kedendik odaq asyqpaı, biraq jedel qımyldap keledi - Q. Kelimbetov
Sóz arasynda «Biryńǵaı ekonomıkalyq keńistikke qosylǵysy keletin elderge ne isteý kerek?» degen saýalǵa toqtala kele Q. Kelimbetov, aldymen postkeńestik keńistikte ıntegratsııanyń túrli kezeńderi bolǵanyn aıtty. «Biz sońǵy úsh jylda óte úlken joldy júrip óttik. Kedendik odaqqa qatysty kóptegen qujattar qabyldanyp, ratıfıkatsııalandy. 70-ten astam qujat qabyldandy, olar qoldanysqa enip, endigi kúni Eýrazııalyq ekonomıkalyq komıssııasymen monıtorıng te júrip jatyr. ıAǵnı, birlestik shynaıy jumys deńgeıine shyǵyp, odan arǵy baǵytqa da aıaq basqaly tur. Bıyldyń ózinde 50-den astam qujatqa qol qoıylady. Endeshe kóz aldyńyzǵa elestetip kórińizshi ıntegratsııa «poıyzy» zýlap barady, al soǵan múshe bolyp, qosylǵysy kelgender ne isteı alady?», - deıdi Q. Kelimbetov.
Onyń aıtýynsha, birlestikke qosylý úshin sol yntaly eldiń ekonomıka deńgeıi KO elderimen sáıkes bolýy kerek. Ekinshiden, tıisti ınfraqurylymy da sáıkes bolýy shart. Mysaly, kedendik ınfraqurylymda kedergi bolmaýy kerek. «Sondyqtan da, biz Kedendik odaqqa kóptegen elderdiń umtylǵanyna qýanyshtymyz. Ýkraına máselen belsendi túrde qyzyǵýshylyq tanytýda. Sonymen birge, Vetnam sekildi kóptegen elder Kedendik odaqpen erkin saýda aımaǵy týraly kelisim jasaǵysy keledi. Bir sózben aıtqanda osyndaı aýqymdy naryqqa qol jetkizgisi keletin nıettiler sany kóp», - dedi Q. Kelimbetov.
«Jalpy alǵanda bizdiń odaq ashyq pikir almasýdy jolǵa qoıdy. Sondyqtan da, biz Eýropalyq Odaq júrip ótken joldy tez eńserdik. Túıindeı kelgende, Kedendik odaq jedel qımyldaıdy. Durysyraǵy asyqpaı, baıyppen shapshań qımyldaıtyn bolady», - dedi ol.