Kedendik baj ben salyqtardy bólip tóleýge bolady - QR Qarjy mınıstri
Bul týraly búgin QR Qarjy mınıstri Baqyt Sultanov halyq aldynda esep berý kezdesýinde málim etti.
«Biz taýarlardy ımporttaý kezinde kedendik bajdar men salyqtardy tóleý merzimin uzartýǵa daıynbyz. Eger deklaranttyń túrli jaǵdaılarǵa baılanysty bajdar men salyqtardyń tıesili somasyn dereý ne tolyq kólemde tóleý múmkindigi bolmasa, oǵan 1 aıǵa merzimin uzartý quqyǵy beriledi jáne taýar tólemderdi tóleýsiz jiberiledi», - dedi QR Qarjy mınıstri halyq aldynda esep berý kezdesýinde.
Sondaı-aq, mınıstrdiń aıtýynsha, adal bıznesti jáne basym salalardy yntalandyrý úshin iri salyq tóleýshiler, iri taýar óndirýshiler, ınvestorlar, ýákiletti ekonomıkalyq operatorlar, ózge de zańnamany adal saqtaýshy sýbektiler úshin kedendik baqylaýda «jasyl dáliz» engizilgen jáne QR Aqparat jáne kommýnıkatsııalar mınıstrligimen birlesip, «1434» Call-ortalyǵynyń negizinde salyqtyq jáne kedendik ákimshilendirý salasy boıynsha táýlik boıy konsýltatsııalar beretin pılottyq joba iske qosylǵan.