Kedendik baqylaý komıteti «jalǵan tranzıt» qylmystyq tizbegine laýazymdy tulǵalardyń qatystylyǵyn anyqtaýda

ASTANA. 14 aqpan. QazAqparat - Qazaqstan Respýblıkasynyń keden organdary keden isi salasyndaǵy sybaılas jemqorlyq jáne kóleńkeli shemanyń jolyn kesý boıynsha túbegeıli sharalar qabyldaýda.

QR Qarjy mınıstrligi Kedendik baqylaý komıtetiniń Іshki qaýipsizdik basqarmasy qyzmetkerleri júrgizgen jedel is-sharalar nátıjesinde uzaq ýaqyttan beri kele jatqan «jalǵan tranzıt» qylmystyq tizbegin anyqtaýǵa múmkin boldy.

«Kontrabandalyq tizbektiń mánisine toqtalatyn bolsaq, Túrkııadan Qyrǵyz Respýblıkasyna Qazaqstan aýmaǵy arqyly ótýi tıis halyq tutynatyn taýarlar shynynda bizdiń elimizdiń aýmaǵynan tys shyǵarylmaǵan»,-delingen QR QM KBK jurtshylyqpen jáne BAQ-pen baılanys bóliminiń málimetinde.

Osylaısha, Mańǵystaý oblysy boıynsha Kedendik baqylaý departamentiniń «Morport» keden beketinen jóneltilgen taýarlar, tranzıttiń sońǵy aıaqtalý orny, ıaǵnı Jambyl oblysy boıynsha Kedendik baqylaý departamenti «Qordaı» kedeniniń «Qarasý» keden beketine jetpesten joǵalyp otyrǵan.

Aldyn ala esepteýler boıynsha memleket bıýdjetine túspegen kedendik tólemder men salyqtardyń jalpy kólemi shamamen 120 mln. teńgeni quraǵan.

Osy faktiler boıynsha QR QM KBK Іshki qaýipsizdik basqarmasy QR QK 209-babynyń 1-tarmaǵymen (ekonomıkalyq kontrabanda) kózdelgen qylmystyń belgileri boıynsha 15 qylmystyq is qozǵady.

Qazirgi ýaqytta keden organdarynyń laýazymdy tulǵalary osy qylmystyń jasalýyna qatystylyǵy anyqtalýda. Tergeý jalǵasýda.