Kedendegi 9 jol beketi jańartylady
19:20, 19 Qańtar 2023
ASTANA. QazAqparat – Qarjy mınıstrligi kedendegi 9 jol beketi men 1 temirjol beketin jańartýdy josparlap otyr, dep habarlaıdy QazAqparat tilshisi.
Bul týraly mınıstr Erulan Jamaýbaev vedomstvonyń keńeıtilgen alqa májilisinde aıtty.
«Kedendegi ınfraqurylymdy jańǵyrtý baǵytynda 9 avtomobıl jáne bir temirjol ótkizý pýnktin jańǵyrtý josparda bar», - dedi Erulan Jamaýbaev.
Mınıstr jobanyń quny 149 mlrd teńge bolatynyn atap ótti. Sol maqsatpen Qazaqstan jáne Qytaı Úkimetteri arasynda jeńildikpen nesıe berý týraly negizdemelik kelisimge qol qoıylǵan kórinedi.
«Atalǵan 9 nysan boıynsha qurylys-montajdaý jáne jumyldyrý jumystary bastaldy. Jobanyń arqasnyda beketterdiń kólik ótkizý qabiletin 8 esege deıin arttyrýǵa jáne ótý ýaqytyn qysqartýǵa bolady», - dedi mınıstr.