Kedendegi kedergi: Eýropadan ákelingen almalardy shekarada zańsyz ustaǵan

<p>ASTANA. KAZINFORM &ndash; Bas kólik prokýratýrasy Eýropadan ákelingen balǵyn almalardy birneshe kún boıy kedennen ótkize almaǵan qazaqstandyq kásipkerlerge arasha tústi. Rásimdeý jumystaryn zańsyz kidirtken keden qyzmekterleriniń áreketin aıshyqtap, kásipkerelerdiń quqyǵyn qorǵady. Bul týraly prokýratýranyń baspasóz qyzmeti málim etti.</p>

Kásipkerler Aýyl sharýashylyǵy mınıstrligi engizgen shekteýlerge baılanysty ýaqytsha saqtaý qoımalarynda jemisterdiń tonnalap bos jatqanyna shaǵymdandy.

Prokýratýranyń taldaýymen Mınıstrliktiń 31 jeltoqsanǵa deıin alma ákelýge tyıym salatyn 2024 jylǵy 5 qazandaǵy buıryǵy tek 8 qazanda kúshine engeni anyqtaldy. Al, alma tıelgen 8 júk kóligi atalǵan kúnge deıin EAEO aýmaǵyna kelgen. ıAǵnı, kásipkerlerdiń bul taýarlaryna shekteý sharalary qoldanylmaıdy.

Kólik prokýratýrasy Memlekettik kirister komıtetine qadaǵalaý aktisin engizdi. Nátıjesinde, kásipkerler ýaqytsha saqtaý merzimi aıaqtalǵanǵa deıin óz ónimderin deklaratsııalap, shyǵynnyń aldyn aldy.