Keden zańnamasy: Kólik quraldaryn spýtnık navıgatsııasymen baqylaý tártibi kúshine enedi

NUR-SULTAN. QazAqparat – 16 qańtardan bastap keden zańnamasyna júk kólik quralynyń júrý baǵytyna baılanysty túzetýler kúshine enedi, dep habarlaıdy QazAqparat Kirister komıtetine silteme jasap habarlaıdy.

Zańdaǵy tyń ózgerister memlekettik kirister organdaryna kólik quralynyń naqty ornalasqan jerin anyqtaýǵa múmkindik beredi. Atap aıtqanda, naqty jańashyldyqtyń biri – spýtnık navıgatsııasy arqyly kólik quralyn elektrondy kedendik súıemeldeýdi qoldaný múmkindigin engiziledi. Osy tolyqtyrýlar sheńberinde keden organy elektrondyq kedendik súıemeldeýdi qoldaný týraly sheshim qabyldaǵan jaǵdaıda keden organy deklarantty jáne tasymaldaýshyny habardar etýi de kózdelgen.

«Elektrondy kedendik súıemeldeýdi halyqaralyq avtomobıl tasymaldaryn qadaǵalaýdyń aqparattyq júıesiniń ulttyq operatory tikeleı júzege asyrady. Mundaı operator Qazaqstan Respýblıkasynda anyqtalyp qoıǵan. Budan buryn «Avtomobıl kóligi týraly» zańǵa tolyqtyrýlar engizilgenin atap ótý qajet. Onda «halyqaralyq avtomobıl tasymaldaryn qadaǵalaýdyń aqparattyq júıesiniń ulttyq operatory» uǵymy, sondaı-aq Qazaqstan Respýblıkasy Úkimetiniń halyqaralyq avtomobıl tasymaldaryn qadaǵalaý júıesiniń ulttyq operatoryn aıqyndaý jónindegi quzyreti kózdelgen. Bul rette osy túzetýler sheńberinde atalǵan operator navıgatsııalyq plombalardy jalǵa berý boıynsha qyzmetti kórsetedi. Navıgatsııalyq plombalar kólik quraldaryna ilinedi jáne olardyń kómegimen kólik quralynyń oryn aýystyrýyn qadaǵalaý júzege asyrylady», - dep aqparat taratty QR Qarjy mınıstrligi Memlekettik kirister komıtetiniń baspasóz qyzmetinen.

Qazirgi ýaqytta kólik quraldaryn elektrondy kedendik súıemeldeýdi júzege asyrý tártibiniń jobasy ázirlenip qoıǵan. ,Onda keden organynyń, deklaranttyń, tasymaldaýshynyń jáne halyqaralyq avtomobıl tasymaldaryn qadaǵalaý aqparattyq júıesiniń ulttyq operatorynyń ózara is-qımyly aıqyndalǵan.