Keden odaǵynyń shekarasynda kólik quraldaryn ótkizý 3-4 saǵatqa qysqarady - Parlament

ASTANA. QazAqparat - Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine Keden odaǵynyń kedendik shekarasy arqyly avtomobıl ótkizý pýnktterinde veterınarlyq-sanıtarııalyq baqylaý jáne ósimdikter karantıni boıynsha baqylaý fýnktsııalaryn keden organdaryna berý máseleleri boıynsha ózgerister men tolyqtyrýlar engizý týraly» zań jobasyna Senat engizgen ózgerister talqylandy. Joǵary palatanyń túzetýlerine kelisken Májilis qujatty qabyldady.

Eske sala keteıik, Senat tarapynan barlyǵy 28 túzetý engizilgen Bulardyń basym bóligi redaktsııalyq naqtylaý sıpatyna ıe bolyp tabylady.

Parlament qabyldaǵan Zań Keden odaǵynyń kedendik shekarasy arqyly avtomobıl ótkizý pýnkterinde ákimshilik kedergilerdi joıý, baqylaýshy organdardyń sanyn qysqartý, sonymen qatar Keden odaǵynyń shekarasyndaǵy ótkizý pýnktteri arqyly júkterdi ótkizýdi jedeldetýdi qarastyrady.

Toqtala ketetin jaıt, búgingi kúni keden organdaryna kóliktik jáne sanıtarlyq-epıdemıologııalyq baqylaý túrlerin júrgizý boıynsha fýnktsııalar berilgen. Al Jeneva konventsııasyna sáıkes, baqylaýdyń barlyq túrlerin uıymdastyrý keden qyzmetimen úılestiriledi jáne olardyń ýákileti berilgen jaǵdaıda baqylaý fýnktsııalaryn júrgizedi. Sondyqtan da qujat boıynsha avtomobıl ótkizý pýnktterinde keden organdaryna veterınarlyq jáne fıtosanıtarlyq baqylaý boıynsha qujattamalyq jáne fızıkalyq baqylaý júrgizý fýnktsııalary beriledi.

Tutastaı alǵanda, zańdy qabyldaý shekara arqyly kólik quraldarynyń ótý ýaqytyn 3-4 saǵatqa deıin qysqartyp, shekaradaǵy jemqorlyqtyń tómendeýine jol ashady. Budan bólek, qujatta elimizdiń ishindegi veterınarlyq jáne fıtosanıtarlyq baqylaý jáne qadaǵalaýdy ońtaılandyrýǵa sebep bolady.

Parlament qabyldaǵan zań Memleket basshysynyń qol qoıýyna joldanady.