Keden odaǵynda keıinge qaldyrylǵan kedendik qundy anyqtaý tártibi engiziledi

ASTANA. QazAqparat - Keden odaǵynyń úsh eli úshin keıinge qaldyrylǵan kedendik qundy anyqtaýdy qoldaný tártibi qabyldady, dep habarlaıdy Ulttyq kásipkerler palatasynyń baspasóz qyzmetinen. Búgin Eýrazııalyq ekonomıkalyq komıssııa jáne Kedendik odaqqa qatysýshy elderdiń kedendik organdary ókilderimen taýarlardyń keıinge qaldyrylǵan kedendik qunyn aıqyndaý rásimderin qoldaný jónindegi máselelerdi talqylady.

«Biz kedendik qundy dáıekti deklaratsııalaý úshin kásipkerlerdiń shyǵyndaryn qalaısha tómendetýge bolatyndyǵy týraly asa mańyzdy máseleni talqylap otyrmyz. Búgingi kúni deklaratsııalaý úshin kedendik qundy qamtıtyn quramdas bólikterdiń barlyǵy belgili emes. Mine, osy máseleler boıynsha keıinge qaldyrylǵan kedendik qun týraly sheshim qabyldaýǵa bolady. ıAǵnı, taýarlardyń sońǵy qunyn keıinirek málimdeýge bolady jáne munymen, bul dáıekti deklaratsııalaý bolyp eseptelmeıdi. Sonymen birge bıznes bul úshin jaýapty bolmaıdy», - dedi QR Qarjy mınıstrligi Kedendik baqylaý komıteti tóraǵasynyń orynbasary Dına Mamasheva.

Onyń aıtýynsha, atalǵan sheshimdi qabyldaý baıypty oılastyrýdy talap etedi. Óıtkeni ol lıtsenzııalyq tólemder, esepke alý tártibi, býhgalterlik, salyqtyq jáne kedendik esepke alý jáne basqa da araqatynastar sııaqty kóptegen kúrdeli máselelerdi qamtıdy.