Keden odaǵynan Qazaqstanǵa jylyna 300 kombaın ımporttalmaq - AShM
19:25, 12 Qarasha 2013
ASTANA. 12 qarasha. QazAqparat - 2014 jyldan 2016 jylǵa deıin Keden odaǵy aıasynda Qazaqstan úshin jylyna 300 kombaın jetkizýge ımporttyq kvota engizildi.
Bul týraly búgin Úkimet otyrysynda QR Aýyl sharýashylyǵy mınıstri Asyljan Mamytbekov aıtty.
Onyń aıtýynsha, bul rette jartyjyldyqtyń qorytyndysy boıynsha kvotanyń 70 paıyzdan astamyn alǵan jaǵdaıda ony kóbeıtýge múmkindik beriledi.
«Osyǵan baılanysty jergilikti atqarýshy organdar kórsetilgen kvotany alý maqsatynda kombaındardy jetkizýshiler, lızıngtik kompanııalar, qarjy ınstıtýttary men agrarshylar arasynda tyǵyz yntymaqtastyqty qamtamasyz etýi qajet», - dep atap kórsetti mınıstr.
Onyń sózderinshe, jalpy alǵanda mashına-traktor parkin ónimdiligi joǵary jáne qýatty jańa tehnıkamen jańartý jumystaryn jandandyrý qajet. Bul aýyl sharýashylyǵy taýaryn óndirýshilerdiń aýa raıy jaǵdaıyna kiriptarlyǵyn boldyrmaýǵa múmkindik beredi.