Keden odaǵyna múshe elderdiń monopolııaǵa qarsy zańdary uqsas - QR Básekelestikti qorǵaý agenttiginiń tóraǵasy
Bul týraly búgin Almatyda ótip jatqan «Básekelestik týraly» biryńǵaı ekonomıkalyq keńistiktegi modeldik zań jobasy» dep atalatyn ǵylymı-tájirıbelik konferentsııada aıtyldy.
«Keden odaǵyna múshe elderdiń monopolııaǵa qarsy zańdary uqsas. Erekshelik teń monopolııaǵa qarsy organnyń júıesi, qyzmeti men ókilettiginde. Qazaqstanda zertteý ınstıtýty jumys jasaıdy. Al Reseı men Belorýste tekserý júrgiziledi. Byltyr zertteý ınstıtýty 117 zertteý júrgizdi. Onda zań buzýshylyqtyń basym bóligi bazarlarda (33 paıyz), otyn-energetıkalyq keshende (24 paıyz) anyqtaldy», - dedi QR Básekelestikti qorǵaý agenttiginiń tóraǵasy Bolatbek Qýandyqov. Onyń aıtýynsha, 24 naýryz kúni zańnamada Keden odaǵy elderiniń monopolııaǵa qarsy zańnamalaryn úılestirýge baǵyttalǵan jańa ózgerister óz kúshine endi. Ol bıznes úshin ruqsat berý qujattaryn qysqartyp, júktemeni azaıtýǵa baǵyttalady.