Keden odaǵyna múshe elder arasynda birikken alqa qurylady - Parlament
Atalǵan shart 2011 jylǵy 22 maýsymda Máskeýde jasalǵan. Keden odaǵyna múshe memleketter arasyndaǵy atalǵan shartqa sáıkes keden qyzmetteriniń birikken alqasyn qurý kózdeledi. Birikken alqany taraptardyń keden qyzmetteri basshylarynyń arasynan jasaqtalǵan alqa músheleri saılaıtyn tóraǵa basqarady. Onyń jumys tártibi birikken alqanyń qaraý qorytyndylary boıynsha tóraǵa bekitetin rásim qaǵıdalarmen aıqyndalady.
Sondaı-aq, Keden odaǵy aıasynda qurylatyn alqanyń negizgi mindetteri taraptardyń keden qyzmetteriniń qyzmetin úılestirý, keden isi máseleleri boıynsha Keden odaǵynyń biryńǵaı quqyqtyq bazasyn qalyptastyrýǵa qatysý bolyp tabylady. Budan bólek birikken alqa kedendik baqylaýdy uıymdastyrýdyń birizdendirilgen tártibin qamtamasyz etýdi Keden odaǵy aýmaǵynda keden saıasatyn iske asyrýǵa járdemdesýdi qarastyrady.