Keden odaǵy standarttary 72 paıyzy retteldi -Tehnıkalyq retteý jáne metrologııa komıtetiniń tóraǵasy
Bul týraly búgin Almatyda ótip jatqan «Keden odaǵynyń tamaq ónimderindegi tehnıkalyq reglamenti» taqyrybyndaǵy semınarda aıtyldy.
«Dúnıejúzilik saýda uıymyna kirý baǵytyndaǵy jumystar aıasynda tamaq ónerkásibi salasyndaǵy barlyq tehnıkalyq reglamentter eýrodırektıva men eýroreglamentke júıelendirilgen. Osy ýaqytqa deıin Keden odaǵynyń 31 tehnıkalyq reglamenti qabyldandy. Onda ulttyq tehnıkalyq reglamentterge 1,5 jylǵa ótpeli kezeń qarastyrylǵan», - deıdi QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń tóraǵasy Ryskeldi Sátbaev. Onyń aıtýynsha, qalǵan 29-y bıyl jyl sońyna deıin jáne kelesi jyly túgeldeı qabyldanady. Odan keıin de bul jumys toqtap qalmaı, zaman talabyna saı ózgerister men tolyqtyrýlar engizilip, jańa tehnıkalyq retteýler jasaý isi ary qaraı jalǵasa beredi. Qazaqstan búgingi kúnge deıin óz tarapynan 14 tehnıkalyq regmentti daıyndap, olardy Keden odaǵynyń keńesine qaraýǵa berdi.